Horticulture Department in Serchhip Lengte rama Centre of Excellence an kalpui mek chu nimin Dec. 16, 2014 khan MJA Serchhip District Member ten tlawhin an hmalak dan an enfiah.
Lengte rama Centre of Excellence tlawhtu MJA Member te hi Pu Lalhmangaiha, DHO Serchhip chuan lo dawngsawngin Centre of Excellence hi Ministry of Agriculture hnuaiah kum 2012 khan cheng nuai 500 senna tura bul \an a nih thu a sawi a, he Centre huamchhung ah hian chhungkaw 60 thlangin cheng nuai 225 chu a hmunhma leh infrastructure atan hman a nih thu leh cheng nuai 275 chu beneficiaries te tan hman a nih thu sawiin, chhungkaw pakhat hian Rs. 3,70,000 vel zel an dawn thu leh kumthar ah Rs. 15,000 vel dawn tur an la nei tih sawiin, beneficiaries te thildawn zinga tam tak chu sumfai a pek an nih loh thu a sawi a. Helai hmuna thlai \iak an siamchhuah te chu loneitute hnenah man neia hralh tur a nih thu leh hemi sum hi Bank Account-ah dahin Director hriatpuina in an hmanchhuah leh \hin thu a sawi bawk.
    He hunah hian Pu Birdhan, ADHO chuan helai hmuna an hnathawh dan hrilhfiahin tualchhung a loneitute a hmun ngeia training pek leh thlai chi \ha ngei huan neitu ten an chin theihna atana hmalak chu an thiltum a nih thu a sawi a. Kumin ah Serthlum \iak 5000 chuang, Thingfanghma \iak 15,000 leh Purunsen \iak 45,000 an tharchhuah thu sawiin, Serthlum \iak hi pakhat Rs. 100, Thingfanghma \iak Rs. 30/- leh Purunsen \iak Rs. 0.50/- zela an hralh thu a sawi a, kumthar lo awm turah hian Serthlum \iak 1,35,000 thar tuma hma an lak mek thu a sawi bawk. MJA Member te hian Centre of Excellence huamchhung hmun hrang hrang tlawhin an hmalakna te chipchiar takin an en a. MJA Member te zawhna chhangin Centre of Excellence hnuaia Beneficiaries zingah duh anga hma la \halo te pawh an awm thu leh an thlai \iak tharchhuah a\anga sum an hmuh hmanga he Centre hi enkawl zui zel tur a nih thu an sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man