Hectare 20,377-ah Oil Palm ching tawh

Mizoram puma ram hectare 20,377 a zau ah Oil Palm chin a ni tawh.
He thu hi Mizoram Oil Palm Advisory Committee \hutkhawm, Agriculture Minister, Pu R. Lalzirliana hova neih ah tarlan a ni a. He huna tarlan a nih dan chuan Oil Palm hi Kolasib District-a ram hectare 4,658, Lawngtlai District-ah hectare 2,549, Serchhip District-ah hectare 1,868, Aizawl District-ah hectare 509 leh Saiha District-a hectare 42-a zau ah te chin a ni tawh bawk. Tun thleng hian Oil Palm chingtute Oil Palm thar, quintal 48,860 hralh a ni tawh a, quintal 1,000 man, company-in a pek chu Rs. 5,500 a ni. Mizoram Oil Palm Advisory Committee \hutkhawm ah hian sorkar thuneitute bakah Partner Company hrang hrang – Godrej Agrovet Ltd., Ruchi Soya Industry Ltd. leh 3F Oil Palm Agrovet Ltd. hotute telin kum 2015 a\anga 2017 thlenga Mizoram chhunga Oil Palm chin belhna tur te sawiho a nih bakah tun thlenga Oil Palm herna khawl la din lo Company-te chu Oil Palm Mill din thuai tura ngen an ni a, chungte chu Lunglei District-a Oil Palm chingtute enkawltu, Ruchi Soya Industry Ltd. leh Serchhip District-a 3F Oil Palm Agrovet Ltd. te an ni. He \hutkhawm ah hian Agriculture Minister, Pu R. Lalzirliana chuan Oil Palm chingtute awlsam nan chinna hmun panna kawng laih belh zel tum a nih thu a sawi a, kawng chu lirthei kal theiha enkawl reng a nih theih nan lung phah ngei ni se a ti bawk.

Popular News

Mizoram-ah Faina Hapta hman \an leh a ni

Retailer bukna diklo 3 man