Fisheries Minister in Serchhip-a DFDO Office tlawhin beiseina sang tak an neih thu a hrilh.

Fisheries Minister Dr. BD. Chakma chuan nimin Dec. 4, 2014 khan Serchhip-a District Fisheries Development Officer’s (DFDO) Office tlawhin Serchhip-a DFDO leh Staff te lakah beiseina sang tak a neih thu a sawi.
Fisheries Minister Dr. BD. Chakma hian nimin khan Serchhip-a DFDO Office hi tlawhin DFDO Pi Zonuntluangi leh a staff te kawmin  Serchhip District chu a ngaihpawimawh thu leh an laka beisei a neih san thu hi sawiin, Field Worker an ni tih inhria a Fish Farmer te pawh an sangha dil kum khatah vawihnih tal tlawh chhuah sak vek a, thurawn pek ngaite leh enzui sak ngaite vil reng turin a chah a. Fish Farmer te hlawhtlinna chu Department hlawhtlinna tehfung atan hman anih \hin avangin inlaichinna \ha tak siam pui turin a chah bawk. Hei bakah hian Dr. BD. Chakma chuan Fisheries Department kaltlangin Community Fish Pond Project kalpui tuma hma a lak thu sawiin, \halaite tan eizawnna \ha tak anih theih dawn thu a sawi a. Thenzawl-a Fish Farm chu tuaithar leh turin ruahmanna siam a nih thu leh kumthar a\anga mumal taka hma lak \an theih a nih tur thu a sawi bawk.
    Tun dinhmunah Serchhip DFDO Office hnuaiah hian Fish Farmer (sangha dil siam) chhungkaw 1009 an awm mek a, Official lamah DFDO in District Office enkawlin FEO- 1, FD-3 (M/R-1), LDC 3 (M/R-2), Group D-4 (M/R-1, Contingency M/R-1) an awm mek a, tunah hian Office Building an la neih loh avangin District Forum Office an luah hawh mek a ni. Hetianga Office hmun nghet an la neih loh avang hian Office hmun nghet neih tuma hma lain an beisei mek te pawh Minister hian a hmunah a tlawh bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai