Latest News

Vohbik te laka rilru put hmang thlak \ul ti

SCERT-a Special Education Officer, Pi Sangzuali chuan Vohbik naupangte laka mipui nawlpui in kan rilru put hmang chu kan thlak a \ul tawh thu a sawi.
He thu hi Nov. 11, 2014 zana Serchhip Hmar Veng YMA Hall-a Community Awareness Campaign neih ah sawiin SCERT-a Special Education Officer, Pi Sangzuali chuan naupang kawng \henkhata enkawlna bik dawn ngai, Vohbik te enkawl dan hi tunah chuan zir tham a ni tawh tih sawiin, heng mite enkawlna pekna hi kum 1985 a\angin Mizo-ram-ah chuan \an a nih thu leh Serchhip-ah pawh Kawnpui Primary School (PS-II) ah Resource Room/Centre siama hma lo lak a nih tawh thu a sawi a. Amaherawh chu hetianga Resource Room/Centre siama hmalak hi Vohbik naupang \henkhat tan panna a hlat avangin sorkar laipui chuan School zawng zawnga kalpui turin Inclusive Education-ah a kalpui tawh thu a sawi a. Vohbik nau-pangte chuan an duhna School apiang ah Admission an tih theih tawh thu leh hnawl an rem lo tih sawiin, School an kal theihna dal theitu harsatna chu sutkian zel tawh tur a nih thu a sawi bawk. Hei bakah hian heng Vohbik naupang mi \henkhat in fiamthu thawhna a kan la hmang leh bawl kan la ching chu pawi a tih thu pawh sawiin, heng Vohbik te hi kan theihloh tam tak ti thei tu an nih avangin heng mite laka kan rilru put dan hmang hi kan thlak a \ul thu a sawi a, State danga tlawmngai pawl (NGO) ten Vohbik te tana hma an lakna ang chu kan rama NGO te pawhin an tih theih ngei tur a nih thu sawiin, hemi kawngah hian NGO ten theihtawp chhuah lehzual se a duh thu a sawi bawk.

Comments

Popular News (Last 30 Days)