Latest News

Session thar a\angin Primary leh Middle-ah NCERT Text Book hman a ni dawn.

School Education Minister, Pu H. Rohluna chuan nakum (2015) School Academic Session a\angin Mizoram-a Middle School leh Primary School-ah te NCERT text book hman tum a nih thu a sawi.
He thu hi nimin Nov. 4, 2014-a  Pawlrang Community Centre hawnna inkhawm ah sawiin School Education Minister, Pu H. Rohluna chuan nakum-a School Academic Session thar a\angin Middle School leh Primary School-ah NCERT Text Book hman tum a nih thu leh Mizo Medium-ah chuan Mizo \awngin an zir tur lehlin a ni tih a sawi a. Hei bakah hian zirna kawnga sorkar hmalakna hrang hrang sawiin, Mizoram Education Reform Commission report chu tihhlawhtlin zel a nih thu leh sum ngai chi erawhchu NEC-ah leh 14th Finance Commission ah te dil niin, sum ngai lote phei chu \hahnem tak tihhlawhtlin a ni tawh tih a sawi a, Zirtirtute Quarters tur khaw tinah sak tumin 14th Finance Commission-ah sum dil a nih thu leh beiseina sang tak an nei tih sawiin, Early Care Childhood Education (ECCE) chu school 148 ah kalpui tum a nih thu leh Kg I leh II te hawngin Teacher qualify neih a nih chuan English Medium-ah siam chhoh tum a nih thu a sawi a. Primary School zirtirtu indaihlohna avangin School 14 chu School 7-ah sawikhawm a nih tawh thu leh khaw \henkhat ah pawh chhunzawm zel tum a nih thu a sawi a. School timing thlak chungchang pawh sawiin Minister chuan, “Ni Eng \angkai zawka kan hman a ngai a. A \ha ber tur angin sorkarin a ngaihtuah zel ang,” a ti bawk.
    Hei bakah hian Pu H. Rohluna chuan Mizoram leilung hausakna haichhuah dan tur pawh sawiin ONGC te, OIL India Ltd te nen hnathawh mek a nih thu leh Maubuang ah lei meter 1400 verh a nih tawh thu leh KM 4.5 an verh hunah chuan gas awm turah an ngai tih a sawi a. Keifang-ah pawh lei verhna tur hmun buatsaih zawh thawkhat a nih tawh thu leh leilung awmdan a\angin gas tam hle turah an ngai tih sawiin, Meidum-ah Gas an hmuh tawh thu leh Hortoki kawngah hmun 2 ah verh leh tur niin Tawtaw ah pawh verh tum a nih thu a sawi bawk.

Comments

Popular News (Last 30 Days)