Latest News

Session neih tur atan Bill 4 lut tawh

Naktuk November ni 11, 2014 a\anga \an tur Mizoram Legislative Assembly \hutkhawmah chuan dan siam tur ngaihven hlawh tak tak putluh a ni dawn.
Assembly Additional Secretary Pu S.R. Zokhuma sawi danin tun thleng hian dan siam tura duan 4 a lut tawh a. Chu’ngte chu inneih, in\hen leh roluah chungchanga Dan siam tur, ‘The Mizoram Marriage, Divorce and Inheritance of Property Bill, 2014’ te, eirukna do tur pawl dinna tur dan duan lawk ‘The Mizoram Lokayukta Bill, 2014’ te leh ran khuahkhirhna tur leh ran a\anga chhiah lakna tur Dan thar ‘The Mizoram Animal (Control and Taxation) Bill, 2014 bakah VC te enkawlna Dan dinglai siam\hatna tur ‘The Lushai Hills District (Village Council) Amendment Bill, 2014’ te an ni. Tun \um Assembly inkhawma chhan turin House chhunga chhan chi zawhna (starred question) 244 leh ziaka chhan chi un-starred question 49 a lut tawh a. Official Resolution pakhat leh Private Resolution 5 lut tawhin Private Resolution 5 lutte hi thu inang vek, Member pakhatin a thehluh nia thudawn a ni a. Official Resolution hi Parliament-in a pawmpui tawh The National Judicial Appointments Commission Bill 2014 chungchang a ni a, he bill hi State Assembly engemawzatin an pawmpui (ratify) ngai a nih avangin pharh a ni dawn a ni.

Comments

Popular News (Last 30 Days)