Session neih tur atan Bill 2 lut tawh

Karleh Thawhlehni, Nov. 11, 2014 a\anga Mi-zoram Legislative Assembly Budget Session neih turah Bill ngaihtuah tur pahnih a lut tawh.
Thudawnna in a tarlan danin tun thla ni 11 a\anga Mizoram Legislative Assembly Session neih tura sorkar bill ngaihtuah tura lut tawh zingah hian Bill thar, 'The Mizoram Animal Control and Taxation Bill, 2014' a tel a, hei bakah hian dan dinglai siam \hatna tur, 'The Lushai Hills District (Village Council) Amendment Bill, 2014' pawh a lut tawh bawk a ni. Nimin thleng khan he Session neih tur atan hian zawhna House chhunga \awngka a chhan chi Starred question 228 leh ziaka chhan chi Un-starred question 40 bakah Private Member's Resolution pakhat dawn a ni tawh a, House-a pharh tur sorkar lehkha pawimawh 5 pawh hmuh a ni tawh bawk a ni. Tarlan tawh angin he Session hian tun thla ni 26 thleng a awh anga, session \an ni, tun thla ni 11-ah Finance Minister, Pu Lalsawta chuan House-ah kum 2014-2015 budget puitling a pharh dawn a ni. Hetihlai hian, Finance Department-a Officer-te chu budget buatsaihin an buai hle a, niminpiah sorkar pisa chawlh-ah pawh khan chawl lovin pisa an kai a, Finance Department-a Officer-te chuan kumin Annual Plan sum chu hmanni lawka hmuh a nih avangin hmanhmawh takin budget puitling hi an buatsaih nghal char char niin an sawi a ni.

Popular News

Mizoram-ah Faina Hapta hman \an leh a ni

Retailer bukna diklo 3 man