Serchhip-ah Artificial Grass phah dawn

Serchhip Hmar Veng-a Sports Complex-a Football Stadium sak hna chhunzawm turin Tender koh mek a ni a, he Stadium hi sak zawh a nih hunah Artificial Grass phah tum a ni.
He thu hi Sports Minister, Pu Zodintluanga chuan tunhnai khan thuthar thehdarhtu ten an kawmna ah a sawi a, he hunah hian Sports Minister chuan “Mizo-ram hmun dang zawng aiin Serchhip ah Phullem - Artificial Grass phah tumin Project kan siam hmasa a, mahse Contractor te’n an thawh muan em avangin District dang dang ah kan hawn hmasak phah a ni,” tiin Serchhip Hmar Veng Complex Field-a Football Stadium sak mekah Artificial Turf phah a ni dawn tih a sawi bawk. Hei bakah hian Pu Zodintluanga chuan Serchhip Hmar Veng-a Football Stadium sak hna thawktu NBCC hnuaia BGM Company te chu an hna a muan thu leh tunah hian BGM hi Terminate an ni dawn tih sawiin, ‘Stadium sa chhunzawm tu tur Tender koh mek a ni a, kumin favang chhovah hna \an chhoh leh thuai beisei a ni a, hna a kaltluan chuan nakum lamah chuan Serchhip a Football Stadium changtlung tak chhungah Artificial Grass kan phah hman ngei kan inbeisei a ni,’ a ti bawk. Serchhip Hmar Veng Complex Field a Football Stadium sakna tur lungphum hi 9th Oct. 2010 khan phum a ni a, thla 18 chhunga sak zawh tura tih a niin vawiin thlengin zawh ala ni lova, 1st Sept. 2014 a\ang khan a satu BGM Company hnathawktute pawh an ram lamah an haw darh vek tawh niin kan thulakna chuan a tarlang bawk.

Popular News

Mizoram-ah Faina Hapta hman \an leh a ni

Retailer bukna diklo 3 man