NLUP \anpuina dawng zui tlaklo 176 awm

Mizoram-a NLUP kalpui mekah NLUP hnuaia \anpuina dawngtu mi 176 te chu NLUP \anpuina dawng zui tlaklo an ni.
He thu hi Mizoram Legislative Assembly Session neih mekah Agriculture Department changtu Pu R. Lalzirliana chuan Pu Lalruatkima zawhna chhangin  a sawi a, Minister chuan NLUP dawng chhunzawm tlak lote hi a tlangpuiin an pawisa dawna hma an lak loh vang te, a nihna tura an hman loh vang te, khawtlang VC/VLMC te hriatpui lova an pem vang te, an chhungkaw zingah sorkar hnathawk an awm vang te, a dawngtu boral aiawh dah loh vang te, thildawn tihral vang leh sorkar phallohna hmuna khawsak vangte niin a sawi. Minister chuan NLUP dawng zingah a bungraw dawn tiral an awm thu leh hemi hi Jail-ah tan tir anih thu a sawi.
    He hunah hian Pu Lalruatkima chuan Lalsangluaia s/o Thangpuivunga, Lengpui khua chuan a Auto Rickshaw dawn (MZ 01/G-9976) chu LH Thanzawna, Lengpui hnenah a hralh tih sawiin, sorkarin engtin nge hmalak a tum tih a zawt a. Minister chuan report an la dawnglo tih sawiin lo enzui a tum thu a sawi bawk.
    MNF member Lalruatkima'n NLUP sum chungchang zawhna ah zawh ah Pu Zira chuan NLUP hmalakna turah sum harsatna a awm lo thu a sawi a. NLUP sum Rs.27,76,475 lai chu K.Deposit-a a awm mek thu sawiin, "NLUP sum chu vawikhata pek nghal chi a nih lo a, beneficiaries-te hmalak dan azirin installment wise-a pek \hin a ni a, chuvangin department account-ah pawisa kawl \euh a rem lohna te a awm avangin K.Deposit-ah dah a ni" a ti. NLUP sum chu Soil & Water Conservation, Fisheries leh Industries Department te puk tir an nih thu a sawi a. Industries Department in a puk vbc 11.19 chu an la rullo niin a sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man