Latest News

Ni 100 inhlawhna turah chawhrualin ni 79 inhlawh

Kum 2013-2014 chhungin ni za inhlawhna tia hriat lat Mahatma Gandhi National Rural Emloyment Generation Scheme hnuaiah Mizo-ram chuan sum Rs. nuai 25668.964 a hmu a, hemi kum hian chawhrualin Mizoram mipui chu ni 79 inhlawh ang an ni.
Nimin Session-ah Rural Development Minister Pu R.Lalzirliana chuan he thu hi Pu Lalruatkima zawhna chhangin a sawi a, Minister chuan kum 2013-14 chhung hian Aizawl district ah ni 80, Lunglei-ah 78, Saiha-ah 79, Cham-phai-ah 85, Kolasib-ah 71, Serchhip-ah 81, Lawngtlai-ah 72 leh Mamit district-ah ni 84 an inhlawh tih a sawi a. Minister chuan kumin 2014-2015 ah hian ni 100 inhlawhna atan hian central sum nuai 6708.13 leh state share nuai 225.483, a vaiin nuai 6933.613 hmuh a ni tawh tih a sawi a. Kumin chhung hian Aizawl district-ah ni 15, Lunglei-ah ni 10, Saiha-ah ni 7, Cham-phai-ah ni 9, Kolasib-ah ni 10, Serchhip-ah ni 10, Lawngtlai-ah ni 8 leh Mamit district-ah ni 10 te an inhlawh tawh a ni.
    Zawh belhna chhangin RD Minister chuan Job Card hi kumtin 3% vela pung tura ngaih a nih thu sawiin, ‘MGNREGA sum chu VC te leh official \henkhat te avangin mipui hnen thleng phaklo a awm thei a, hemi kawng ah hian mitin kan \an tlan a ngai a. A thianghlim thei ang bera hman hi kan duh a, chutih laiin ni za inhlawhna hi thatchhiatna min thlentu a ni ang tih kan hlau hle a ni,’ a ti bawk. Chief Minister Pu Lal Thanhawla pawhin MG-NREGA a Material Component hman diklohna a awm \hin nia a hriat thu sawiin, MLA te chu mahni bial \heuh enpui turin a sawm bawk. MGNREGA hi kumin a\angin central chuan inhlawh theih tur ni zat hi ni 46 a ti tlemin ni 54 chauh inhlawh theih a ni tawh dawn a, nikum 2013-14 khan Mizoram ah Job Card nei 178367 an awm a, kumin ah chuan 18,5929 an awm a ni.

Comments

Popular News (Last 30 Days)