Mizoram-a hmasa ber turin Model Village-ah Chhiahtlang puang.

Central sorkar in ramchhunga MP tin te Model Village nei tura a tih angin Rajya Sabha MP, Pu Ronald Sapa Tlau chuan Chhiahtlang khua chu Model Village-ah thlangin nimin (Nov. 12, 2014) khan puan a ni.

Model Village atana Chhiahtlang khua puan a nihna inkhawm hi nimin khan Chhiahtlang Community Centre-ah neih a ni a, he hunah hian Pu Ronald Sapa chuan Model Village atana puan an nihna chu a bul \anna chauh a ni tih sawiin, a nih tur ang ni turin khawchhung mitin an pawimawh dawn tih a sawi a. Model Village atana Mizoram hmun laili Chhiahtlang thlan a ni chu Mizoram kil tin ti eng tura entawn theih anih dawn vang niin a sawi bawk. Mizoram a hmasa ber tur Model Village-ah hian mipui ei leh bar kawnga chawikanna tur te, tui mamawh tawk dawng vek tura ruahmanna te, Organic farming leh huan thlai tui pek Drip System a kalpui te, Pawl 10 china a thlawnna zirna pek leh computer thiamna pek vek te, \halai thiamna leh talent haichhuah te, Smart school siam te, Hriselna kawnga Health insurance pek leh chaw inchawih tawk pe tura chhungtin \anpuina pek te, bawlhhlawh tihral dan mumal leh inthiarna mumal pek te, tar pension siamsak te, Village Tourism kalpui leh Kawlphetha leh mipui mamawh chi hrang hrang ham\hatna kalpui a ni dawn a ni.