Latest News

MB&OCWWB a\angin mi 17,092 te chhawmdawl an ni tawh.

Mizoram Building & Other Construction Workers Welfare Board hnuaiah tun thleng hian chhawmdawlna dawng tawh mi 17092 a awm a, hemi atana tun thla Nov. ni 7, 2014 thlenga sum hman tawh chu Rs 16,28,39,438/- a tling tawh.
Asembly Budget Session neih mekah nimin a zawhna leh chhanna huna Pu Lalruatkima, Aizawl West - II bialtu MLA zawhna chhanga he thu hi sawiin, a changtu Minister Pu Lalrinmawia Ralte chuan, Building & Others Construction Workers Welfare Board a Cess chu Secretary, Building & Others Construction Workers Welfare Board hming a Account hawn a nih thu sawiin, Director LE&IT nen Joint Operate a ni tih a sawi a. Minister chuan Cess sum hi State Bank of India, Main Branch, Aizawl ah te; Apex Bank, Dawrpui Branch, Aizawl-ah te; Mizoram Rural Bank, Aizawl Branch Zarkawt-ah te; HDFC, Dawrpui, Aizawl leh Central Bank of India, Aizawl Branch, Chanmari ah te dah mek a ni tih a sawi bawk. Zawhna chhangin Lalrinmawia Ralte chuan Welfare Board a Building & Other Construction Workers in register, Welfare Scheme in a huam ten chhawmdawlna hi an dawng thei tih House a hrilh bawk. Pu Lalruatkima'n Nationalised Bank nilo HFDC a pawisa an dah chhan a zawhna chhangin Minister chuan 'Tunah hian bank dangah tranfer mek a ni' a ti a. Board SPIO atan Co-Terminus mi ruat anih chungchangah Minister chuan 'Board ah hian Principal Secretary leh Director, LE&IT chauh thawktu nghet an awm a, midang chu Co-Terminus, Contract leh MR vek an nih avangin ngaihthiam deuh kan la ngai a ni' a ti bawk. Minister chuan Director hlui in a thar hnenah account operate theihna charge a hlan tawh tih a sawi bawk.

Comments

Popular News (Last 30 Days)