Hnamdang mi hrai ruiin rawk?

Nizan hmasa (Nov. 3, 2014) zan khan Serchhip AOC Veng-a hnamdang In luaha khawsa chu mi tu tih hriatloh ten hrai ruiin an Motor leh pawisafai engemaw zat an ruk sak nia thudawn a ni.
Hemi chungchanga Ser-chhip Police te sawi danin heng hnamdang te hi Zakir Hussein Laskar ( Zakir-a tia hriat lar), kum 34, Lailapur leh a hnuaia thawk mi 3 te niin heng mite hi sumdawng a vakkuala dawr hrang hrang a eichawp leh bungrua supply \hin an ni a, heng mite hi Serchhip AOC veng-ah hian khawsa in nizan hmasa khan mi tu tih hriat lohin an zanriah eitur ah thil engemaw pawlhin a hrai rui niin a lang a, zanriah an nei hnu hian rui taka awmin engmah hre lovin an awm zui nghal a, heng mite hi nimin zing dar 7:30 vel khan harhchhuak chauhin an pum a na in an luak nasa hle bawk a, JN Hospital Serchhip panpui an niin enkawl mek an ni a, ngaihtuahawm lutuk erawh nilo tura ngaih an ni. Heng mite an ruih lai hian anmahni hrai ruitu nia rin te hian rawk zui nghalin an motor car, i10 (Mz-06/4852) leh pawisafai Rs. 65,000/- chuang an ruk sak bawk a ni. He thil thleng hi Serchhip Police te hriattir nghal niin Police te chuan an chhui zui nghal a, thilsual titu nia rinhlelh man pawh an la nei thei rihlo nia thudawn a ni bawk.

Popular News

Mizoram-ah Faina Hapta hman \an leh a ni

Retailer bukna diklo 3 man