Estimate Committee in hna kal mek hrang hrang an tlawh.

Mizoram Legislative Assembly hnuaia committee peng pakhat Committee on Estimates chuan nimin Oct. 3, 2014 khan Chhingchhip-a Sainik School sak mek leh M/s SK. Bamboo Chipping Mill bakah Serchhip-a Tourist Lodge sak mek te an tlawh.
Mizoram Legislative Assembly hnuaia Committee on Estimates hian nimin khan an Chairman, Pu Lalrinliana Sailo, MLA hovin heng hmun te hi an tlawh a. Chhingchhip ‘Rihte Ram’ a Sainik School sak mek an tlawhna ah Estimates Committee member te chuan Contractor te kutthlak tawh chin chu \ha thawkhat hle a an hriat thu sawiin, hna erawh an thawk chak tawk lo deuh a an hriat thu an sawi a; Contractor-in Feb., 2015 a zo fel hman tura a insawi chu a tun dinhmun a\anga en chuan a harsat an rin thu leh tuna hnathawktu 90 lek an chhawr chu tlem an tih thu an sawi a, a let thum tala hnathawktu hi tipung tura an hrilh chu Contractor pawhin zawm a tum thu a sawi a ni. Sainik School sak nan hian chhungkaw 44 in ram Hectare 100 chuanga zau a thlawnin an pe a, a panna kawng pawh chhungkaw 17 zetin a thlawnin an pe bawk a, NLCPR sum cheng vbc. 50.33 leh 13th Finance Commission sum cheng vbc. 50, a vaiin cheng vbc. 100.33 senga sak tur niin tunah hian cheng nuai 3773.35 sanction a ni tawh a, Hindustan Prefed Ltd. (HPL) te Executive Agency niin an hnuaiah hian Prasad & Co., (Project Works), Ltd. ten construction works hi an khawih a ni.
    Hemi hnu hian Industry Department hnuaia Bamboo Development Agency \anpuina hmanga din, M/s S.K. Bamboo Chipping Mill pawh tlawhin Mill neitu Pu Saikhuma, Chhing-chhip chuan Estimates Committee member te hnenah Mau hralhna man (rate) ennawn mek anih avangin an hralhna ber HPCL, Cachar hnenah engemaw chen chu a hralh theih tawh rih loh thu a lo hrilh a; raw materials lak lama harsatna a neih loh thu leh Rate thar siamfel anih veleh hma lak chhunzawm lehnghal anih tur thu a lo hrilh a ni. M/s S.K. Mill hi Bamboo Development Agency kaltlanga \anpuina sum cheng nuai 69.69 hmanga din a ni a, Industry Department leh Bamboo Development Agency ten an hnathawh leh hmalak dan an vil reng hin a ni.
    Chhingchhip-a heng hmun pahnih an tlawh zawh hnu hian he Committee hian Serchhip-a Tourist Lodge sak mek chu tlawhin District Bawrhsap, Pi Juhi Mukherjee chuan alo dawngsawng a. Bawrhsap chuan Tourist Lodge thar neih an nghahhlelh tawh thu leh tun thlenga an hmasawnna a hmuh dan tlangpui te a lo hrilh a, Committee member te chuan Building sak hna chu \ha thawkhat hle a an hriat thu an sawi rualin hawn vat anih loh chuan Building in a tawrh a hlauhawm thu an sawi a. Serchhip-a Tourist Lodge awm hun an nghahhlelh thu leh hmabak la awm te pawh rang taka zawhfel anih theih na tura \an la turin Tourism Department hotute leh District Bawrhsap te an chah a ni. Tourist Lodge, Serchhip hi estimate hmasa ah chuan cheng nuai 45 a sak tura tih a ni a, harsatna hrang hrang vanga kum engemaw zat a sak hna chawlhsan anih hnu in tharthawh leh a ni a, estimate siam\hat leh niin April 2014 a\ang khan sak chhunzawm leh a ni a, revised estimate ah chuan cheng nuai 172.02 a sak zawh tur a ni. Tun dinhmunah hian Main Building leh Cottage pathum sak zawh tawh niin, a chhung electrification leh furnishing chiah hmabak a awm tawh a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai