Assembly Budget Session neih \an ah Kum 2014-2015 Mizoram Budget pharh a ni.

/
Mizoram Legislative Assembly 7-na \hutkhawm \um 4-na Budget Session chu nimin Nov. 11, 2014 khan \an niin kum 2014-2015 chhunga Mizoram sorkar Budget cheng vbc. 3140 chu House-ah pharh a ni.
Nimin a Mizoram Legislative Assembly \hutkhawm \an a nih veleh hian inkhawm kaihruaitu Assembly Speaker, Pu Hiphei chuan kum 2014-15 Mizoram Budget puitling pharh turin Finance Minister Pu Lalsawta a sawm a. Finance Minister Pu Lalsawta chuan thla riat kalta chhunga a tlachawpa kan kal thu leh tunah sorkar laipuiin kan plan lenzawng tur a rawn tihfel tak avanga budget puitling a pharh theih tak thu a sawi a ni. Finance Minister Pu Lalsawta'n nimina Budget a pharh tak hi hmasawnna hna thawhna tur Plan Fund cheng vbc. 3140 leh sorkar inrelbawlna tur Non-Plan cheng vbc. 3011.06 a ni a, Budget pumpui hi cheng vbc. 6951.06 a ni. Kum 2014-15 chhung hian Sorkar chuan chhiah a\angin cheng vbc. 1301.24 hmu tura beisei a ni a, heta \ang hian State Sorkar in chhiah a lakkhawm ve chu cheng vbc. 270.39 tling tura ngaih a ni a, Central Sorkarin chhiah lakkhawm a\anga Mizoram a sem ve, Share in taxes chu cheng vbc. 1030.85 tling tura ngaih a ni. Chhiah nilo thil dang a\anga Mizoram Sorkar sum hmuh tura ngaih chu cheng vbc. 4578.22 a ni a, hei hi Mizoram thawhchhuah ve tur cheng vbc. 278.48 leh Central Sorkar puihna Grants-in-aid cheng vbc. 4299.74 te a ni.
    Mizoram Budget pumpui cheng vbc. 6951.06 a\ang hian sorkar inrelbawlna leh inenkawlna atana sum hman tur revenue expenditure chu cheng vbc. 5766.41 a nih laiin, hmasawnna leh hmasawnna ruhrel pawimawh siamna tur Capital Expenditure chu cheng vbc. 1184.65 a ni. Plan Fund bik cheng vbc. 3140 hnuaiah hian loneih leh a kaihhnawih tih hmasawnna tur Agriculture and Allied Activities ah cheng vbc. 513.77 dah a ni a, Rural Developement-ah cheng vbc. 242.22; Special Area Programme-ah cheng vbc. 131.47; Irrigation and Flood Control-ah cheng vbc. 70.96; Enegry-ah cheng vbc. 84.57; Industry-ah cheng vbc. 92.15; Transport-ah cheng vbc. 229.64; Communications-ah cheng vbc. 14.06; Science, Technology and Environment-ah cheng vbc. 1.90; General Economic Services-ah cheng vbc. 363.36; Social Services-ah cheng vbc. 1279.09 leh General Services-ah cheng vbc. 116.81 te dah a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »