YMA Volleyball khelh \an a ni

/
YMA Sub-Hqrs. Serchhip buatsaih C. Laltea Memorial Inter-Branch YMA Volleyball Tournament chu nimin Oct. 21, 2014 khan Serchhip-a Leisekawt Field-ah khelh \an a ni.
C. Laltea Memorial Inter-Branch YMA Volleyball Tournament hawnna hi nimin Oct. 21, 2014 chawhma dar 11:30 khan neih niin he intihsiakna a lawmman tumtu, Pu C. Lalramzauva, Sr. Advocate chuan he Tournament hi a hawng a, he Tournament-a tel YMA Branch hrang hrangte chu YMA Sub-Hqrs. in thawhhona leh inunauna \hatna tura a beisei ang ngeia he Tournament hi hman tum tura chahin, YMA Sub-Hqrs. Conference in hetianga Tournament buatsaih tura a rel ti hlawhtlingtu zinga an chhungkua an \ang thei chu lawmawm a tih thu a sawi bawk. YMA Sub-Hqrs. Serchhip-a Sports & Recreation Sub-Committee Chairman, Pu David Laldintluanga kaihhruai ah hian Pu Kawl\huama, Vice President, YMA Sub-Hqrs. Serchhip in inlawmna thu sawiin Tv. Ramdinmawia, Secretary, Sports & Recreation Sub-Committee chuan Report a pe bawk a ni. YMA Sub-Hqrs. Serchhip buatsaih C. Laltea Memorial Inter-Branch YMA Volleyball Tournament hi kum khat dana neih tur niin kum 10 chhung neih tura ruahman a ni a, kumina he Tournament hmasa ber ah hian Mipa ah YMA Branch 28 leh Hmeichhia ah Branch 20 telin YMA Sub-Hqrs. Serchhip huamchhunga YMA Branch 69 a\angin Branch 30 an tel thei a, tunkar Inrinni khian zawhfel tura ruahman a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »