Tuikum Cluster-a Sapthei chin beihpui thlakna tur hawn a ni.

Mizoram Food and Allied Industries Corporation Ltd. (MIFCO) bultumin nimin Oct. 21, 2014 khan Chhingchhip-ah Tuikum cluster a NLUP leh RKVY kaltlanga Sapthei chin runpui ‘Captive Farming Project of Passion Fruit in Tuikum Clusters under NLUP/RKVY’ hawnna inkhawm buatsaih a ni.
He Project hawnna inkhawm Chhingchhip Mualpui-a Chhingpuii Run-a neih hi Horticulture Minister Pu PC. Lalthanliana chuan khuallian nia hmanpuiin Mizoram sorkar chu a hauhsak loh thu leh a pachhia ani tih hi zep thu a awm lo tih sawiin, mahse pachhe chung chungin Mizoram sorkar chuan miretheite thleng phak budget a chhawpchhuah reng thu leh ngaihpawimawh berah a nei tlat tih sawiin, sorkar a\anga \anpuina an hmuhte chu awmze nei tak leh hlawkpui ngei tura kalpui turin a chah a, sorkarin \anpuina sum a pek chu hah tak leh rim taka thlan tla chunga hna an thawhna tur atan leh a hlawhtlinna rah erawh hlim taka an sengna tur a ni tih sawiin, “Sorkarin min \anpui \hinna lam ngaihvena phur hurh ringawt a keimahni thawh ve tur lam ngaihthah leh tlat ching kan la tam a ni,” a ti a, \anpuina sum reng rengin a thil tum tihhlawhtlin na tur chuan a dawngtu leh a petu ten an thawh tur ve ve inkhairual taka an hlen a ngaih thu sawiin, taima turin mipui kalkhawmte a fuih a ni.
    Captive Farming Project of Passion Fruit in Tuikum Clusters under NLUP/RKVY hi MIFCO in a enkawl tur niin, kumtin Chhingchhip-a MIFCO Processing Plant ami tur sapthei rah metric ton 10,000 tal pe thei tura beisei a ni a, he Cluster a sapthei chingtute nen MIFCO hian inremna siampuiin an sapthei tharchhuah te a leisak vek dawn a, Tuikum Cluster-ah hian Serchhip District-a khaw 10 (Khumtung, Baktawng Vengpui, Baktawng Tlangnuam, Chawilung, Chhingchhip Mualpui, Chhingchhip, Chhiahtlang, Hualtu, Hmun\ha leh Khawbel) bakah Aizawl District a\angin Phulmawi, a vaiin khaw 11-ah beneficiary 612 an awm a, heng beneficiary te hi Identity card leh Number pek vek niin Beneficiary te hi sapthei chinna tur hian ram hectare 1 tal an nei tur a ni a; sapthei \iak 2000 \heuh pek an ni anga, heta \ang hian kumkhatah sapthei kg 20,000 tal tharchhuak tura beisei an ni. He Project atan hian cheng nuai 783.62 ruahman niin, NLUP a\angin cheng nuai 521.12 leh RKVY a\angin cheng nuai 262.50 hman a ni anga, Beneficiary te hi \anpuina sum 1st installment Rs. 15,000/- \heuh an Bank Account kaltlangin pek an ni a, November thla ah Rs. 35,000/- man hu sapthei zamna tur thirzai sem a ni ang. MIFCO hi NLUP kaltlanga tih nun thar leh mek niin \anpuina pawh cheng nuai 274.80 (Rs. 133 lakh for salary and Rs. 141.80 lakh for other financial grant) pek a ni tawh a ni.

Popular News

Mizoram-ah Faina Hapta hman \an leh a ni

Retailer bukna diklo 3 man