Serchhip-ah Faina Hapta khar a ni. VC Area fai berah Chhiahtlang thlan a ni.

Serchhip-a Oct. 2, 2014 a\anga Faina Hapta hman chu nimin khan a kharna leh inelna buatsaiha ti\hate lawmman semna neih a ni a, Serchhip Town-a VC Area fai berah Chhiahtlang VC chu thlan a ni.
Faina Hapta kharna leh lawmman semna hun hi nimin chawhnu khan Serchhip DC’s Conference Hall-ah neih a ni a, he hun hi District Bawrhsap, Pi Juhi Mukherjee, IAS chuan hmanpuiin khawtlang hruaitu leh mipui te \hahnem ngaihna avanga Faina Hapta hlawhtling taka hman a ni chu lawmawm a tih thu sawiin, ‘Faina Hapta zo tawh mah se kan thinlungah Faina Hapta hmang kumtluan ang u’ tiin ‘Clean Serchhip’ ti a kan infuih \hinna pawh ‘Cleaner Serchhip’ ti a thlaka infuihthar leh sauh sauh turin mipuite leh khawtlang hruaitute a sawm a. Vaihlo zuk leh hmuam khap a ni chunga khawlaia meizial bawm leh kuhva funna leh Tiranga kawr te hmuh tur a la tam \hin chu hriselna atan a pawi bakah khawlai tihnawktu lian tak a ni tih sawiin, heng thil hote ni a kan ngaih te hi kan hmel tilangtu ani tih sawiin, fimkur lehzual turin mipuite a chah a. Mizoram chu ram nuam leh mawi tak “Postcard” ang mai a ni tih sawiin, “Khawilai hmun pawh hi a thla la ila a nalh em em vek zel mai a, hei hi mipuite pawh hian kan hmuh thiam a pawimawh a, a hmel tibaltu nilo tura kan inzirtir thar a ngai hle a ni,” a ti bawk.
    Pu ST. Lalhmingmawia, Sanitation Officer, UD&PA kaihhruai he hunah hian Faina Hapta hman chhunga inelna hrang hranga ti\hate lawmman sem a ni a, Village Council Area fai ber lawmman Chhiahtlang Village Council hnenah hlan niin YMA Branch Area fai berah Serchhip P&E Veng thlangin Serchhip IOC Veng leh Serchhip Chanmari ten an dawt a, Zirna In fai berah Govt. LM M/S Serchhip thlan niin  Govt. P/S -I, Chhiahtlang leh Govt. Chanmari P/S, Serchhip ten an dawt a, VC hrang hrang aiawhte tana Extempore Speech buatsaih ah Serchhip-I VCP, Pu Zairemmawia chu pakhatna a ni bawk.

Popular News

Mizoram-ah Faina Hapta hman \an leh a ni

Retailer bukna diklo 3 man