Latest News

School 163-ah Pre-Primary School siam tum

School Education changtu Parliamentary Secretary, Pu Joseph Lalhimpuia chuan Mizoram-a Primary School awmsa 163 ah sorkar in Pre-primary School siam a tum thu a sawi.
He thu hi Mizoram Primary Teachers Association (MPTA) in nimin Oct. 30, 2014-a Aizawl Vanapa Hall-a  General Conference an neih a hmanpuina ah sawiin Pu Joseph Lalhimpuia chuan Mizoram-ah zirna sikul hmasa ber din a nihna la reilohzia ngaihtuah chuan zirna kawngah hma kan sawn chak hle nia sawiin, hemi kawngah hian a mawhphurhna pawimawh ber chelhtu chu zirtirtute an ni tih a sawi a. Primary School zirtirtu a nghet lova thawkte tunhnaiah tam tak dah ngheh an nih bakah post ruak 169 lai hnawhkhah tumin sorkar chuan \an a la tih sawiin, Primary School awmsa 163 ah sorkarin Pre-Primary school siam a tum thu te, Treasury Square-a Education building hlui chu Education Centre atan chei \hat tum a nih thu te, Lunglei ah zirtirtute leh Education department a thawkte thlenna tur khualbuk sak tum a nih thu leh thingtlang khaw hrang hrangah zirtirtute chenna tur Quarters sak tum a nih thu te a sawi bawk.

Comments

Popular News (Last 30 Days)