North Eastern Region Infrastructure Conclave-ah Chief Minister in Mizoram mamawh a thlen.

North Eastern Region Infrastructure Conclave, 2014 chu Inrinni kalta, Oct. 18, 2014 khan Guwahati a Hotel Radisson Blu-ah DoNER Minister Gen.V.K. Singh-a kaihhruaina ah neih a ni a, he hunah hian Mizoram Chief Minister, Pu Lal Thanhawla pawh telin thil chi hrang hrang a thlen a ni.
North Eastern Region Infrastructure Conclave, 2014-ah hian Mizoram Chief Minister Pu Lal Thanhawla chuan India hmarchhak chu history leh a awmna avangin hun rei tak ata ngaihthah nia sawiin, "Hmasawnna awm turin a ruhrel pawimawh, infrastructure facilities din angaih thu vawiduailo National leh Regional level ah te sawi anih bakah, Committee leh Task Force te, Shukla Commission te, Yugandhar Committee Report te, Mukherjee Task Force te dinin rawtna \ha tak tak an siam a, mahse a taka bawhzui a ni \hin lo a ni," a ti a. DoNER Ministry pawhin NE Vision : 2020 pawh a duan thu sawiin, rawtna an siam te chu thamral tir mai loa, a taka bawhzui anih ngeina turin he hun buatsaihtu PHD Chamber of Commerce and Industry te chu hma la turin a ngen nghal a. He khawmpui thupui ‘Power Sector in NE. Region : Challenges and Way Forward’ tih a nih angin power siamna, a bikin Hydro Power siamchhuahna hmarchhak bial in a ngah tih sawiin, Power telloin hmasawnna a awm theihloh thu leh rampuma power siam theihzat a\angin hmarchhak bial in 40% (63,000MW) vel a nei a. Mahse 3% vel chauh siam chhuah anih avangin power ah kan hnufum thu leh hmasawn tur angin kan sawn theilo tih a sawi a. Mizoram-ah phei chuan a mamawh ang a hmu phalo hle nia sawiin, Power sector a private investment a awm theih nan Viability Gap Funding guidelines te chu herrem awlsam tura siam nise tiin a rawt bawk.
    Hei bakah hian Chief Minister chuan Mizoram ang tlangram ah chuan Micro Hydel Power Generation uar zawka kalpui \ha a tih thu sawiin, hei hian thingtlang lamah Cottage Level Industry din a tih awlsam a beiseiawm thu leh Ministry of New & Renewable Energy pawhin phurpui se a duh thu a sawi a. Hmarchhak biala hmasawnna project duan reng reng a ram leilung awmdan a zira a tehfungte pawh siam \hin rawtin, NEC in a zirchiannaah tlangram ah chuan senso chu 15% - 20% in a tam \hin tih a sawi a. A tlangpui thuah central sorkar in hmarchhak biala hmasawnna project te hi a dah pawimawh tawk lo a a hriat thu sawiin, hei vang hian Kolodyne HEP 460 MW pechhuak thei tur siam tura NTPC leh Mizoram sorkarin MoU an ziah tawh hnu kum 6 a liam hnu pawhin engmah hmalakna a awm lo a ni, a ti bawk.

Popular News

MZI ten thisen an pe

Serchhip-a dah tur Gas ti chingpen man a ni

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn