Latest News

MZP Assembly-2014 neih \an a ni

Mizo Zirlai Pawl (MZP) Assembly-2014 chu nizan hmasa khan Farkawn khuaa ‘Zofate Run’ ah neih \an a ni a, zanin hian a \iak ang.
Kumin a MZP Assembly ah hian ‘Zoram nghahfak-Zirlaite’ tih chu thupui ah hman niin Palai 1000 vel zet an kal a. Nimin khan vantlang inkhawm neih niin he hunah hian MZP Gen. Hqrs. President, Lal-hmachhuana chuan thuchah a sawi a, zirlaite chu Zoram nghahfak an nih avangin Zoram tana mi chhenfakawm ni tura inbuatsaih tura chahin, Zirlai nih lai a\anga ram leh Hnam hmangaihna thinlung an put \an loh chuan ram leh hnam tan malsawmna thlentu aiin chhiatna thlentu, ram leh hnam hmelma an nih zawk hial theih avangin zirlaite leh \halai ten ram leh hnam tana \ha tur ngaihtuah chunga an zirlai an zira, ram leh hnam tana hmasawnna thlentu ni tura inbuatsaih turin a chah bawk. Nimin a MZP Assembly ah hian Uaptu, Pu T. Sangkunga, Chairman, Mizoram Youth Commission pawhin zirlaite chu ram leh hnam tana ke pen zel tur leh ram leh hnam tana \hahnem ngai taka lehkha zira hlawhtlin ngei tum turin a chah bawk. MZP Assembly neih mekah hian Vawiin hian rorel inkhawm neih a ni dawn a, Farkawn khua leh a chhehvela pipu sulhnu hmun hrang hrang tlawhna hun buatsaih a ni bawk ang.

Comments

Popular News (Last 30 Days)