Mizoram hmundangte rualin Serchhip-ah Disaster Risk Reduction Day hman a ni.

Serchhip District Disaster Management Authority (SDDMA) buatsaihin nimin Oct. 8, 2014 khan Serchhip DC’s Conference Hall-ah Disaster Risk Reduction Day hman a ni.
Nimin Oct. 8, 2014 kha International Day for Disaster Reduction niin Mizoram hmun dangte rualin Serchhip-ah pawh he Ni hi hman a ni a. Serchhip-a he Ni puala inkhawm neih hi District Bawrhsap, Pi Juhi Mukherjee, IAS chuan hmanpuiin Chhiatrupna lo thlen hun tur leh lo thlenna hmun tur tumahin kan hrelawk thei lo tih sawiin, amaherawhchu chhiatrupna in harsatna min siam sak \hin te tinep tur hian kan inpuahchah ve thei a ni, a ti a. Serchhip District chhungah chhiatrupna laka inven dan leh hmachhawn tura inpuahchah dan tur inzirtirna, abik takin zirlaite zingah uar taka kalpui mek a nih thu sawiin, hetihrual hian tlawmngai pawl leh khaw-tlang hruaitute pawh hetiang atana inbuatsaihna \ha an neih theih nan nasa lehzuala zirtirna kalpui tum a nih avanga he Ni puala hun hmanna ah pawh tlawmngai pawl leh khawtlang hruaitute sawm an nih thu a sawi bawk.
    Nimin a Disaster Risk Reduction Day puala inkhawm neih hi Pu Lawmkima, MCS, SDO (Sadar) chuan kaihruaiin Pi B. Malsawmtluangi, MCS, SDC hnen a\angin ‘Chhiatrupna hmachhawn tura Khawtlang leh Chhungkaw tinte inpuahchah dan tur’ tih thupuia hmangin zirtirna ngaihthlak a nih bakah, Fire & Emergency Services Department ten Chhiatrupna lo thlen huna chhanchhuah hna thawh dan tur te, chet lak dawna tih tur leh tih loh tur chi hrang hrangte chetzia a lantirin zirtirna an pe bawk a. Pi Teresy Vanlalhruaii, MCS, Project Director, DRDA, Serchhip chuan ‘Inchhung khura chhiatna thleng thei chi hrang hrang hmachhawn tura hmeichhia te mawhphurhna’ tih thupuia hmangin zirtirna a pe bawk a ni. Nimin a Serchhip-a Disaster Risk Reduction Day hman a nih rual hian North Vanlaiphai leh Thenzawl ah te pawh bialtu SDO(C) ve ve kaihhruaina in Disaster Risk Reduction Day hi hman ani bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai