Electoral Roll Revision tur atan Draft Roll tarchhuah a ni.

Election Commission of India (ECI) thupek anga Electoral Roll Special Summary Revision neih tur atan Draft Roll chu nimin Oct. 15, 2014 khan Mizoram pumah tarchhuah a ni.
Mizoram puma Electoral Roll Special Summary Revision neih tur atan hian Mizoram District hrang hranga District Election Officer te hmalakna in Electoral Roll hman lai chu Draft Roll-ah hmangin tarchhuah a ni a, he Draft Roll a\anga a lan dan chuan Mizoram pumah vote nei thei mi 6,98,265 an awm mek a. District hrang hrang zinga vote nei thei tamna ber Aizawl District-ah vote nei thei mi 2,61,724 awmin vote nei thei tlemna ber Saiha District ah chuan vote nei thei mi 34,317 an awm a ni. Mamit District-ah vote nei thei 58,344 an awm a, Kolasib District-ah mi 51,924, Champhai District-ah 78,333, Lunglei District-ah 96,096 leh Lawngtlai District-ah vote nei thei mi 71,970 an awm a ni.
    Nimin vek khan Serchhip District-ah pawh Draft Electoral Roll hi mipui a duh apiang en theih tura tarchhuah a ni a, Serchhip District pumah hian Assembly Constituency pathum ah Polling Station 77 a awm a, General Electors 45,557 (mipa 22,438, hmeichhia 23,119) leh Service Electors 334, an vaiin Voters 45,891 an awm a ni. Serchhip AC-ah Polling Station 23 awmin General Electors 16,148 (mipa 7791, hmeichhia 8357) leh Service Electors 139, an vaiin Voters 16,287 an awm a, Tuikum AC-ah Polling Station 29 awmin General Electors 14,537 (mipa 7232, hmeichhia 7305) leh Service Electors 98, an vaiin Voters 14,635 an awm a. Hrangturzo AC-ah Polling Station 25 awmin General Electors 14,872 (mipa 7415, hmeichhia 7457) leh Service Electors 97, an vaiin Voters 14,969 an awm bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai