E&N Deptt. in cheng vbc. 5 hu zet ruihhlo man tawh

Kumin chhungin Excise & Narcotics Department chuan zu leh ruihhlo, cheng vbc 5 chuang man an man tawh.
Thudawn danin Jan. 1 a\anga Sept. 30 thlenga Excise & Narcotics Department report a\anga a lan danin, rakzu litre 26,647.285 an man tawh bakah zu bilh lai |in 57,254 chuang an tichhe tawh a, dawidim kg 50.471, sap zu, um 82,462, canned beer leh beer um 7,438 an man tawh a ni. Excise & Narcotics Department hian kumin thla 9 chhung khan ruihhlo, pseudoephedrine mum 3,37,570 an man tawh a, methamphetamine mum 63,000, parvon spas mum 16,870, spasmo proxyvon mum 5,203, heroin kg 2.742, ganja kg 372 leh gram 850, nitrazepam mum 124, diazepam mum 36, alprazolam mum 3,670 leh khuh damdawi 77 an man tawh bakah zu leh ruihhlo phurh nana hman, lirthei ke hnih nei 20, ke 3 nei 13, LMV 53 leh HMV 7 an man tawh bawk a, an thil man hlut zawng hi Rs. 5,78,98,573 niin sorkar ah Rs. 2,17,02,561 an chhunglut tawh bawk.
    Hei bakah hian Excise & Narcotics Department hian hemi chhung hian ND&PA Act tlawh chhanin mi 289 an man tawh bawk a, an zinga mi 232 chu thubuai siamsak an ni tawh a, MLTP leh Excise Act tlawhchhanin mi 1,434 an man tawh a, he dan tlawh-chhan vek hian thubuai 1,750 an ziak lut tawh a, ram dang mi 35 an man tawh bawk. He Department chhinchhiah danin kum 1984 a\anga thla hlui Sept. thla thleng khan Mizoramah ruihhlo avanga thi, 1,306 an awm a, kum 1997 a\anga thla hlui Sept. thla thleng khan zu chhe in avanga thi 57 an awm bawk a, ruihhlo avanga thi 1,306 zinga 1,169 chu mipa an ni a, 137 chu hmeichhia an ni. Ruihhlo avanga thi zinga a tam ber chu proxyvon leh parvon spas avanga thi an ni a, 1,156-in an thihpui a, heroin avanga thi 100 an chhinchhiah tawh bawk. Kuminah hian zu chhe in avanga thi chhinchhiah an la nei lo a, zu chhe in avanga thi 57 zinga 50 chu mipa, 7 chu hmeichhia an ni a, zu chhe in thihpui zingah hian spirit pawlh ina thi an tam ber a ni.

Popular News

Mizoram-ah Faina Hapta hman \an leh a ni

Retailer bukna diklo 3 man