CSS (Conducts) Rules in a phuar sorkar hnathawk zingah Rules hrechiang tawklo tam.

Chief Minister Pu Lal Thanhawla chuan sorkar hnathawk  zawng zawng te chu CCS (Conduct) Rules in a phuar vek thu sawiin, a tam zawk erawh chuan he Rules hi an hrechiang tawklo hle a ni, a ti.
Mizoram sorkar Vigilance Department in Gazetted Officer te tana ‘Workshop on Inspiring Changes’ nimin Oct. 14, 2014-a Aizawl Vanapa Hall-a buatsaih a hmanpuina ah Chief Minister Pu Lal Thanhawla chuan sorkar hnathawk zawng zawng te chu CCS (Conduct) Rules in a phuar vek tih hi sawiin, “Kan thil neih reng reng, khawih chet theih leh khawih chet theih loh zawng zawng te chu (property returns) a bo a bang awmloin sorkarah kumtin kan report \hin tur anih laiin, report thehlut ngailo leh kimchanglo taka report \hin a ni chu conduct rules bawhchhiatna a ni,” tiin Property Returns a hun taka siam \hin hian eirukna dona kawngah a pawimawh hle tih a sawi a. ‘Eng hna pawh thawk ila Pathianin a rawngbawl tura min dahna a ni tih hria a rinawmna, dikna, taimakna nen tui taka kan hna \heuh thawh hi kan tih tur pawimawh tak a ni,’ tiin ringtu kan nih angin sorkar chak leh \ha, mipuite mamawh pe thei, langtlang leh mipuite tana nelawm siamtu tur \heuh an nih thu leh state dangte entawn tura awm a ngaih thu a sawi a. ‘Heti chunga corrupt tak tak kan awm hi a huatthlala awm a, a zahthlak hle a ni,’ a ti bawk.
    He hunah hian Chief Secretary, Pi L. Tochhawng chuan workshop chu tunhmaa la tih ngai loh a ni thu sawiin, sorkar hna thawk tura an luh phat a\angin Conduct Rules in a phuar thu leh Officer tam tak property transaction leh conduct rules ngaihsak ngailo an awm chu pawi a tih thu a sawi a. An neih hlu khawih chet theih lohte chu dan in a phut angin a form-ah ziahluh vek \hin tur a nih thu leh khawih chet theih thil, an thla hnih basic pay aia tam te pawh a form hmanga report siam vek tur anih thu sawiin, Report diklo siam chu conduct rules bawhchhiatna anih thu leh report dik tak siam chu sorkar hnathawk te tih mak mawh a nih thu a sawi bawk. He hun kaihruaitu Pi Nandini Paliwal, IAS, Special Secretary, Vigilance Department chuan workshop chu Gazetted Officer ten Conduct Rules leh Property Returns chungchang fiah zawk leh kimchang zawka an hriat theih nana buatsaih a nih thu a sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni