Sorkar aia AMC nawr hrethiamlo

AMC Chairman Pu Zarzoliana chuan Joint NGO ten thuneitu Sorkar zawk nawr lova AMC zawk an nawr vak chu an hriatthiam loh thu a sawi.

Mizoram-a tlawm-ngai pawl hrang hrang ten AMC-a Pisa kai tur an dan mek chungchangah Pu Zarzoliana chuan AMC chu dan siamtu nilovin, Sorkar dan siamsa kengkawhtu leh Sorkar in ti tura a tih chin titu mai a ni tih sawiin, dan siam\ha theitu pawh AMC nilovin Sorkar a ni tih a sawi a. Licensing Regulations emaw, Property Tax lak chungchangah pawh AMC chu thuneitu nilovin Sorkar in thawh tur a tih thawktu tur chauh a ni zawk tih sawiin, thuneitu zawk nawr lova thupek kengkawhtu tur AMC tlawmngai pawl ten an nawr chiam chu hriatthiam har a tih thu a sawi bawk. Hetihlai hian Joint NGO Coordination Committee chuan AMC Licensing Regulations 2012 leh Property Tax lakna tur dan te chu hman rih loh emaw, suspend rih emaw an phut tih sawiin, an thilphut tih hlawhtlin a nih hma loh chuan AMC Pisa kai turte hi dan an tum thu an sawi a ni.