Serchhip District-a NLUP \anpuina dawngtu mi 9491 zinga 23 te insawifiah tura tih an ni tawh.

Mizoram sorkar Flagship programme, NLUP chu Serchhip District-a kalpui a nih a\angin mi 9491 ten \anpuina dawng tawhin an zinga mi 23 te chu hma an lak \hatloh avangin insawifiah tura hriattir an ni tawh.
Tunhnaia Serchhip District tlawha rawn zin, NLUP Implementing Board (NIB) Chairman, Pu JH. Ro\huama hova NLUP Line Department ten Serchhip DC’s Meeting Room-a NLUP hmalak dan thlirhona an neih ah he thu hi tarlan a ni a. He huna tarlan a nih dan chuan NLUP hi kalpui a nih tirhin 1st Phase-ah mi 3061 te \anpui niin 2nd Phase-ah mi 3081, 3rd Phase-ah mi 2102 leh 4th Phase-ah mi 1247 te hnenah \anpuina hi sem leh a ni a, heng mi 9491 te hian Line Department 8 te hnen a\angin \anpuina hi an dawng a ni. Line Department hrang hrangte zingah hian Horticulture Department a\anga \anpuina dawng hi tam berin mi 2931 ten \anpuina hi dawngin beneficiaries nei tlem ber Environment & Forest Department kaltlang in mi 144 ten \anpuina hi an dawng tawh bawk a. Agriculture Department a\angin mi 2100; AH & Vety Department a\angin mi 1711; Industries Department a\angin mi 1458; Soil & Water Conservation Department a\angin mi 738; Sericulture Department a\angin mi 209 leh Fisheries Department a\angin mi 200 ten \anpuina hi an dawng tawh bawk a, Line Department \henkhat te hian 2nd Phase-a \anpuina dawng turte hi \anpuina an dawn tur an pek kim tawh laiin Department \henkhat erawh chuan 2nd Phase \anpuina hi an la sem kimlo thung a ni.
    Hetianga Line Department hrang hrangten NLUP an kalpui mek lai hian NLUP hnuaia \anpuina dawng tawh mi 23 te chu hma an la \halo nia hriat an nih avangin a tira an intiamna angin sorkar a\anga \anpuina an dawn tawh te rulhlet tir tumin hmalak mek a ni a. Heng mi 23 te hi Agriculture Department a\angin mi 10 leh Soil & Water Conservation Department a\angin mi 13 an ni a. Agriculture Department hnuaia mi 10 te hi Aug. 15, 2014 hmaa insawifiah tura tih niin heng zinga mi 9 te hian insawifiahna hi an thehlut nia thudawn niin an insawifiahna hi puanzar erawh ala nilo thung a. Soil & Water Conservation Department hnuaia chhungkaw 13 te hi Sept. 13 hmaa in-sawifiah tura hriattir an ni thung a ni.

Popular News