Serchhip Dist. ah tam ber

 Bio Metric Enrollment (BME) kalpui mekah Mizoram mihring 105,548 te chhinchhiah fel an ni tawh a, inziaklut ve duhlo an awm nual bawk. National Population Register (NPR) an tih bawk BME kalpui mekah hian kum 2011 chhiarpui-a hming chuang, ziahluh tura tih zinga la ziahluh loh mi 7,59,212 an la awm a. Kum 2011 chhiarpui ah khan Mizoram ah mihring 10,97,206 awmin heng zinga 8,64,760 te chu chhinchhiah tura tih an ni. Mizoram district 8 zingah BME hi Serchhip district-ah chhin-chhiah tam ber a ni tawhin za zela 31.54 tih a ni tawh a, Champhai district ah chuan 2.15% chauh chhin-chhiah an la ni.