Serchhip-ah Martyrs Day urhsun taka hman a ni. "Martyrs te hmabak kan chhunzawm zel dawn,"

MNF Party chuan Inrinni kalta, Sept. 20, 2014 khan  ram tana nunna hlantute Ni, Martyrs Day an hmang a, Serchhip-ah pawh he Ni hi urhsun taka hmangin ram tana nunna hlantute zahna hlan a ni bawk.
Martyrs Day pual hian MNF Serchhip East Block chuan Lalpuithanga Hall-ah inkhawm buatsaihin he hun hi MNF Sr. Vice President, Pu Tawnluia chuan a rawn hmanpui a, he hunah hian Pu Tawnluia chuan, “Mizoram leh hnam dinchhuahna tura kan zalenna atana an nunna hlantute hi kan hnam Martyrs te an ni,” tiin ‘Anni chuan Pathianin hnama min siam ang taka kan dikna leh chanvote humhima kan ramah hian zalen taka ro kan rel theih nan te, Zohnahthlak hmun hrang hranga awmte nen inzawmkhawma, kan Sakhua Kristianna venghima, kan hnam nun leh \awngte chawisanga Mizo hnam zalenna atan an nunna an lo hlan ta,’ tih sawiin, ‘Martyrs te hmabak kan chhunzawm zel dawn a ni,’ a ti a. Hetianga kan ram leh hnam tana nunna petu kan hnam Martyrste hi an ngaihsanawm tih sawiin ‘Zah takin vawiin ah hian Zoram mipui ten chibai kan bukin chawimawina i hlan ang u,’ tia kalkhawmte chu sawmin kan Hnam tana Martyrs te chuan an thawh theih tawk thawk zovin hmabak la awm te chu \hangthar te chhunzawm turin an kutah an hlan ta tih a sawi bawk.
    Serchhip-a Martyrs Day puala inkhawm hi MNF Serchhip East Block President, Pu K. Tlangthanmawia chuan kaihruaiin Martyrs te zahna leh hriatrengna hun hmangin minute khat chhung ngawi renga dingin hun hman a ni a. He hunah hian Pu C. Lalramzauva, MNF Adviser pawhin thu sawiin, MNF chu Martyr te thisenin a hrin chhuah leh Mizo Hnam pasal\ha te avanga Mizo hnam thinlung vawnghim tura ruat bik nia a hriatthu leh, Mizo te Mizo na chu MNF ah a awm nia a hriatthu a sawi bawk. Martyrs Day pual hian zingkar ah Serchhip Bazar-a Martyrs te hriatrengna lungphun ah MNF Serchhip East Block hruaitute, PAMRA hruaitute leh Martyrs chhungkua mi \hahnem takin pangpar an dah bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man