Latest News

School hrang hranga zirlai leh zirtirtu ngah te.

Mizoram-a Primary School awm zawng zawng ah Gospel Centenary School, Mission Veng in zirlai an ngah ber a, Higher Sechondary School zingah Govt. Mizo HSS Mc. Donald Hill in zirlai an ngah ber thung.
Tun hnaia tlangzarh tak Annual Publication 2013-2014 a tarlan a nih danin, Mizorama Primary School awm zawng zawng 1873 zinga zirlai naupang nei tam 10 (Top 10 School having Highest Enrollment) te chu Private zirna In (Unaided) vek an ni a, zirlai ngah ber Gospel Centenary School, Mission Veng chuan zirlai 979, mipa 505 leh hmeichhia 474 an nei a ni a, Primary-a Zirtirtu ngah ber ni bawkin zirtirtu 32 an nei a ni. Middle School awm zawng zawng 1408 zingah Sacred Heart School, Lunglei Venglai in zirlai an ngah ber a, he school ah hian mipa 253 leh hmeichhia 289, an vaiin zirlai 542 an awm a, Southern Standard M/S Lawngtlai chu zirtirtu ngah ber niin 25 an awm a, Middle School a zirlai nei tam school 10 te hi Private Unaided leh Deficit vek an ni. High School bikah zirna In awm zawng zawng 612 zingah Govt. Mizo High School Mc. Donald Hill in zirlai an ngah ber a, he school ah hian mipa 308 leh hmeichhia 386 an vaiin zirlai 694 an awm a, hei bakah hian HSS Section ah pawh zirlai ngah ber ni bawkin, HSS ah hian zirlai mipa 431 leh hmeichhia 578, an vaiin zirlai 1009 an awm bawk. Govt. Mizo HSS hi H/S leh HSS zirtirtu ngah ber ni bawkin High School ah zirtirtu 25 neiin, HSS ah zirtirtu 46 an nei bawk.

Comments

Popular News (Last 30 Days)