Latest News

Ramri hung vanga harsatna tawkte Mizoram-ah la kir duhlo.

India leh Bangladesh ramri hung hnathawh meka Mizoram mi Bangladesh huamchhunga awm ta chhungkaw 450 chu Mizorama let tura tih nimahse ramri hung pawn lamah an la awm ni a hriat a ni a. Heng mite hian chhawmdawlna sum an hmuh tur an dawn hma chuan khawi hmunah mah chhuah an tumlo niin an sawi.
Tlabung a\anga thudawn danin Mizoram mi Bang-ladesh huamchhunga a awm ta chhungkaw 450 te hi Indo-Bangla Border Fencing Compensation Demand Committee hruaitute chuan sorkar a\angin an awmna hmun chhuahsan tur a hriattir nimahse, chhawmdawlna sum an dawn tur an la hmuh loh avangin an awmna hmun chhuahsan thei anla nilo tih an sawi a, tun thleng hian ramri hung hnathawktu company EPIL, NBCC leh NPCC ten chhawmdawlna sum an dawn tur chu an hren sak ni a sawiin, an sum dawn tur hi an dawn hma chuan khawi hmunah mah an chhuak dawnlo tih an sawi.
    Indo-Bangla Border Fencing Compensation Demand Committee hruaitute chuan India leh Bangladesh ramri hungin a tihchhiat ram neitute chauh in chhawmdawlna sum chu an la hmu a, ramri hung chhunga awm zingah pawh chhawmdawlna sum hmulo engemawzat an la awm a, ramri hung pawna awm chhungkaw 450 te chuan \anpuina sum an la hmulo vek tih an sawi. India leh Bangladesh ramri hung pawna awm chhungkaw 450 te hi Lunglei District a khaw hrang hrang Malsuri, Tablabagh, Bindasora, Silkur, Tippereghat, Khojoysuri, Bandiasora leh Nakuksora a awmte an ni a, an zinga chhungkaw tam zawk chuan ramri hung hnathawh vang hian an In leh lo bakah an leilet enkawl lai an chan phah ni a sawi a ni. Indo-Bangla Border Fencing Compensation Demand Committee hruaitute chuan zangnadawmna an dawn thuai theih nan hmalakpui tura Lunglei DC ngen an tum bawk a ni.

Comments

Popular News (Last 30 Days)