NLUP \anpuina dawngtu hma la \halo a puh te hmalak zui dan a hmunah enfiah \an.

Serchhip-a thuthar thehdarhtute chuan nimin Sept. 10, 2014 khan Agriculture Department hnuaia NLUP \anpuina dawngtu, hma la \halo nia hriat mi 2, Chhingchhip ami chu an hmalakna a hmunah an enfiah.
Chhingchhip Venglai-a NLUP \anpuina dawngtu mi 2-Pu Kapthanga leh Pu Hming-thanzauva te hi NLUP 2nd Phase-a WRC-II (Terrace) thlangtu niin NLUP \anpuina hmasa atan Rs. 40,000/- an dawng tawh a, kumin kumtir lama Line Department ten an endik \umin midang ram chu anmahni ram anga sawiin, hemi bak hmalakna an neilo nia hriat a nih avangin NLUP \anpuina an dawn tawh rulh tir an nih lohna tur chhan insawifiah turin tih an ni a. Hemi hnua an hmalak dan hi enfiah niin, heng mi 2 te hian Chhingchhip a\anga KM 3 vela hla, Saisih ramah Terrace tur hi an lai tawh a. Pu Kapthanga hian damlohna avangin \anpuina an dawn tirh ah hma an lak theihloh thu sawiin, tunah hian hma an la mek tih a sawi a, Pu Hmingthanzauva chuan a Nu nen ram insemin tunah hian hma an lak mek tawh thu a sawi bawk a ni.
    He hunah hian NLUP Media Officer, Pu Andrew H. Lalremruata, DIPRO chuan heng mi 2 te hi an tihsual leh tihdikloh ringawt zawng tura kal an nih loh thu leh NLUP hi dinchhuahpui tak tak tuma hma la an nih leh nih loh hriatchian tuma kal an nih zawk thu hrilhin, an thil hmuh dan chu thlalak nen ziakin thuneitute hnenah an thlen mai dawn thu a sawi a. Sorkarin dik tak leh langtlang taka thil kalpui a duh avangin chanchinbumi te pawh endikna kawngah hian a sawm tel ve anni tih sawiin, District chhung khaw hrang hrangah NLUP beneficiary te hmalakna chi hrang hrang, a \ha leh \halo te pawh enzui zel anih tawh dawn thu a sawi bawk. Nimin a heng mi 2 te hmalak dan enfiah tura kal te hi Chhingchhip Vengpui VCP, Pu Lalchungnunga Sailo leh VLMC Secretary Khuangkhuma ten an lo \awiawm a ni.

Popular News

Mizoram-ah Faina Hapta hman \an leh a ni

Retailer bukna diklo 3 man