NIT sawnchhuah tumna awmlo tih sawi

Higher & Technical Education Department chuan Mizoram-a National Institute of Tecnology (NIT) din tur State pawna sawnchhuah tumna a awm anga sawi chu thudiklo a nih thu an sawi.

Hemi chungchanga thuchhuah ah siamah H&TE Department chuan NIT hmun atan hian an duh dan ang tak chuan ram 300 acres a zau a nih thu leh chu chu Mizoram sorkarin chak taka zawngin Thenzawl ramah te pawh zawngin, Central sorkar zawkin Lengpui ram an duh avangin zawn leh a nih thu leh Ram zawn hna hi Land Revenue & Settlement Department in an thawh thu sawiin, NIT norms anga ram chu hmuh theih anih loh avangin an hmuh theih ang chu siam felin 164.2 acres chu land lease no. DLL 58 of 2012 angin 4th Oct, 2012 khan NIT hnenah urhsun tak a hlan a nih thu an tarlang a. He ram hi IRCON International Ltd ten kumin June thla tir lama an teh \hat leh chuan 140.16 acres chauha zau a nih thu leh Director, NIT, Mizoram chuan a ram duh belh thu 7th July, 2014 khan Chief Secretary ah hriattirin enfiah leh mek a nih thu tarlangin, hemi avanga State pawna NIT sawn tumna erawh a awmloh thu an tarlang bawk.