MZP thilphut tih hlawhtlin a nih theih nan Sorkar leh MZP ten inremna an siam.

State Technical Entrance Exam-2014 result siam\hat phut nana MZP thilphut chu sorkar in tih hlawhtlin a tiam tak avangin MZP chuan lungawilohna an lantir titawpin MZP hruaitu man te pawh chhuah an ni. 
MZP ten STEE-2014 result tihchhuah ah Category-I a Chakma dah tawh sut leh tura sorkar an ngenna kal zelah hian nimin Sept. 25, 2014 khan Aizawl leh Mizoram khawpui hrang hrang 10-ah sorkar kar nan lungawilohna lantir a ni a. Aizawl-ah chuan zirlai rual ten kawng zawhin Chaltlang-a Higher & Technical Education Department hnuaia Technical Wing Office an pankhawm a, hei hi Police te chuan lo dangin hemi hnu hian sorkar chuan inbiakna neih rawtin, MZP te thilphut chu tih hlawhtlin an duh thu an thlen a, hemi hnu hian Minister 5 leh Chief Secretary leh Official 4 te nen inbiakna neiin heta an thurel te chu MZP hian an ngaihtuah leh hnuah inremna hi siamin MZP te pawhin lungawilohna an lantir chu an titawp zui ta a ni.
    He inbiakna a inremna an siam dan chuan niminpiah lama MZP hruaitu Police in an man te chu thu delhkilh awm lovin chhuah nghal an ni a, The Mizoram (Selection of Candidates for Higher Technical Courses) Rules, 1999 chu siam danglam tur niin, Category-I a awm thei tur tarlan ah 'indigenous people' tih ringawt ni lovin ‘Mizo’ tih telh a ni anga, Category-II ah ‘Non-Mizo’ tih dah tel a ni bawk ang. Technical Entrance Exam hnuhnung bera Category-I a awm Chakma 38 te chungchang chu MZP hruaitu Police in an man te chhuah an nih hnuah Higher & Technical Education Department hotute nen sawiho leh tura dah a ni bawk. MZP chuan thuchhuah siam nghalin Mizo Hnam tan theihtawp an chhuah zel dawn thu tarlangin, ‘Chakma leh hnam dang kan ram min chuhpui an awm a nih chuan theihtawp chhuahin kan \ang zel ang,’ an ti a, Dan lova lo lut Chakma te lam chu MZP chuan hawi zel a tum thu leh Mizo mipuite thlawpna an ngen nghal bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai