MZP leh sorkar te inremna siam lawmawm tih thu sawi.

Mizoram sorkar leh MZP ten State Technical Entrance Examination- 2014 (STEE-2014) a Chakma-te Category-I-a an awm avanga buaina a inremna an siam chu Political Party hrang hrang leh YMA chuan lawmawm an tih thu an sawi.
Mizoram sorkar leh MZP ten nimin a inremna an siam hnu hian rorellai Congress Party |halaite chuan thuchhuah siam zui nghalin kum 1999, 2000, 2003, 2004, 2005, 2006, 2008, 2009, 2010, 2011, 2012, 2013 leh 2014-ahte hian STEE-ah hian Chakma te hi Category I result chhuakah an hming a lo lang vek tawh tih tarlangin, Rules neih hmain kum 1994, 1996 leh 1997-ah te Category-I ah te hian hriat theih chinah Chakma hming hi a lo lang tawh niin an tarlang a. Mizo zirlai te'n ram leh hnam tan tia theihtawp chhuaha hma an la chu fakawm an tih thu tarlangin, MZP te'n zirlaite hmakhua ngai taka theihtawp an chhuah pawh an tihtur an ti ah an ngaih thu leh sorkar nena inremna duhawm tak an nei chu Mizo history-a thil chhinchhiah tlak tak tling ah an ngaih thu an tarlang bawk. MPC |halaite pawhin nimin vek khan thuchhuah siam nghalin MZP ten ram leh hnam hmangaihna rilru pua lu chhum ban chhum huama Zofate dikna leh chanvo humhalhna kawnga ke an penna tihhlawhtlina alo awm ta chu lawmawm an tih thu tarlangin, MZP te chu an chhuangin an ngaisang tak zet tih an tarlang bawk. Central YMA pawhin nimin khan thuchhuah siamin ‘Indigeneous Inhabitant of Mizoram’ tih in Chakma te chu engti kawng mahin a huam thei ah an ngailo tih an tarlang a, hun lo kal lehzel turah pawh Indigeneous-te chanpual hi an luah theilo turah an ngai tih tarlangin, MZP in sorkar an ngenna tih hlawhtlin a ni ta chu lawmawm an tih thu an tarlang bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai