MSU in Zirlai hnenah sum pekkim phut

Mizo Students' Union (MSU) Gen. Hqrs. chuan Mizoram sorkar-in zirlaite dawn tur Pre Matric Scholarship leh NEC Stipend leh Book Grant chu tun thlengin sorkarin a kimin ala pechhuak theilo tih a sawi a, September thla ralhma ngei a heng te hi pechhuak turin sorkar an phut.
MSU thuchhuah chuan kum 2013-2014 chhunga zirlai naupang 94,745 te dawn tur Ministry of Minority Affairs hnuaia lo kal Pre Matric scholarship chu Mizoram sorkar in a tum ve tur zaa 25 chu a pek theihloh avangin sorkar laipui in a tum tur zaa 75, Rs. 227,694,750/- chu hun rei tak hren khawtlai a nih hnuah a kimlo in zirlaite hnenah semchhuah a nih thu leh Mizoram sorkar tum ve tur cheng nuai 758.98 chu zirlai 94,745 ten Vawiin thlengin an la dawnglo tih an sawi a. Hei bakah hian NEC Stipend leh Book Grant kum 2013-2014 chhunga zirlai 164 te dawn tur cheng nuai 25.544 chu NEC in an tum tur zaa 90, cheng nuai 22.99 a pek hnuah pawh Mizoram in a tum ve tur zaa 10, cheng nuai 2.554 vawiin thlenga ala pek theihloh avangin zirlaiten an zirna kawng a harsatna an tawh phah tih MSU chuan an sawi bawk.

Popular News