Mizoram-ah hectare 17,588 a zauah Oil Palm chin a ni tawh.

Nikum 2013-2014 thleng khan Mizoram chhunga ram hectare 17,588 a zauah Oil Palm chin a ni tawh a, kumin ah hian ram hectare 5,700 ah chin leh tum a ni a, hriattheih chinah ram hectare 3000 ah chinbelh leh a ni tawh.

Agriculture Department hotute hnen a\anga thudawn danin Oil Palm hi Mizoram chhunga district 7, (Champhai tiam lovin) a khaw 225 ah chin mek a ni a, loneitu chhungkaw 10,800 in an ching mek a ni. Company nen inremna an ziah sa tawh angin Kolasib leh Mamit district chhunga tharchhuahte chu Godrej Agrovet Company in an lei dawn a. Company hian Bukvannei-ah khawl bunin loneitute tharchhuah hi an lei reng a, tharchhuah a tam tawk hrihloh avangin an duh khawp lei tur an la hmu lo a. Aizawl, Serchhip leh Saiha district a tharchhuah te hi 3F Oil Palm Agrotech Pvt. Ltd. in an lei dawn a, an ni pawh hian Mat phai ah khawl bun tumin hma an la mek a. Lunglei leh Lawngtlai district a leitu tura ruat Ruchi Soya Industries Ltd. pawhin Rotlang-ah khawl bunna tur an enfiah mek nia thudawn a ni.
    Sorkar laipui chuan Company te khawl bunna tur hian \anpuina cheng vbc. 7.50 chu Mizoram sorkar a pe tawh a, khawl pakhat bunna senso ah hian vbc. 2.5 zel pek theih a ni a, he sum hi Godrej Agrovet Company hnenah pek a ni tawh a,3F Oil Palm Agrotech Pvt. Ltd. leh Ruchi Soya Industries Ltd. te pawhin khawl an bun hunah sum hi pek an ni ve leh ang. Sorkar leh Company ten inremna an siam angin Oil Palm te hi kg ah Rs.5.50 zelin company hian an lei a, a man hi loneitute account-ah an lei a\anga kar khat chhungin an dah \hin a ni. Agriculture thawktute chuan tunhnaia mi \henkhatin Oil Palm chin in ram a tichhia nia an sawi chu sawifiahin, ram \henkhat Malayasia leh Indonesia-ah te chuan ramngaw \hiatin Oil Palm an ching a, hei hian ramngaw a tichhia a. Mizoram-ah erawh chuan loneituten ramngaw \hiat lovin anmahni huan leh hmun awl laiah te an chin avangin ramdangte ang chuan Mizoram chuan a tawrh ve an ringlo tih an sawi. Oil Palm chi hi Company in ramdang Costa Rica leh Thailand a\anga a chi \ha lachhuakin Nursery-ah an kui a, ft.3 vela sang a nihin sorkarin kung khat Rs. 85 zela leiin loneitute hnenah a thlawnin a pechhuak veleh \hin a ni. Oil Palm quintal 1 ah hian a hriak litres 20-25 vel chhuak thei a ngaih a ni a, hei bakah hian a mu a\angin Kernel Oil siamin chocolate leh cosmetics siamnan an hmang leh \hin bawk.