Latest News

Lawngtlai-ah Total Bandh nei; Sorkar lamin sawifiahna siam.

Lai Students’ Association (LSA) huaihawtin nimin a\ang khan Lawngtlai-ah Total Bandh neih \an niin sorkar a\anga thu lawmawm hriat tur a awmloh chuan chhunzawm zel tum a ni a, hetihlai hian an thilphut chungchang hi nimin khan sorkar chuan a sawifiah bawk a ni.
LSA te hian Lawngtlai-a Govt. Region Higher Secondary School-a Geography leh Sociology zirtirtu nghet dah phutna atan nimin Sept. 1, 2014 zing dar 7:00 a\ang khan Lawngtlai-ah Total Bandh an huaihawt a, he Total Bandh hian mipui thlawp a hlawhin lirthei khalhtu pawl hrang hrangte pawhin an thlawp bawk a, sorkar Office, zirna In leh sumdawnna hmun te khar a ni a, lirthei veivak hmuh tur a awmlo bawk. He Total Bandh avang hian buaina chhuak a awm hriat a ni lova, sorkar a\anga thuthar an hria a nih loh chuan Vawiin hian Total Bandh hi neih leh an tum thu an sawi bawk a ni.
    Hetihlai hian Parliamentary Secretary for Higher and Technical Education, Pu H. Zothangliana chuan nimin khan Lai Student Association (LSA) ten zirtirtu post ruak hnawhkhah an phut mek chungchang hi a sawifiah a. Hetah hian Pu H. Zothangliana chuan Higher Secondary School zirtirtu hna chu Mizoram Public Service Commission (MPSC) kaltlanga lak tur an nih avangin sorkar chuan 27.8.2014 khan Mizoram Public Service Commission ah heng hnaruakte hnawhkhahna tur ruahmanna a siam turin a hriattir tih a sawi a, a hnawhkhahna tur buatsaihna atana sorkar lam a \anga tih fel ngai zawng zawng pawh Mizoram Public Service Commission ah hian thehluh nghal a ni bawk, a ti a. Parliamentary Secretary chuan Lawngtlai-a Government Region Higher Secondary School a zirtirtu hnaruak chauh nilovin school danga post ruakte hnawhkhahna tur huam telin MPSC hnenah hian sorkar chuan a thehlut a, MPSC pawhin rang taka a bawhzui a beisei thu a tarlang tel bawk.

Comments

Popular News (Last 30 Days)