Latest News

INC in sum hmang hnem

Nikum November thla a Mizoram Assembly inthlanpui neih ah khan Indian National Congress (INC/MPCC) chuan inthlan senso ah cheng nuai 68.05 hmang angin an insawi a, MNF party chuan cheng nuai 14.04 seng angin an insawi bawk.
PRISM chuan nimin khan an Conference Hall ah 2013 MLA General Election a party hrang hrang te sum hmuh leh hmanna (2012-2013) a party sum hmuh/hmanna leh an donation khawn puanzarna hun an hmang a, heta tarlan danin, Political party ten Election zawh a\anga ni 75 chhungin election atana an sum hmuh leh hman te Election Commission-ah an report a ngaih laiin, INC, MNF leh NCP (Nationalist Congress Party) ten report an submit a, BJP, MPC leh ZNP ten report an submit lo a, inthlan pual atan hian INC leh NCP ten cheng khat mah collect lo a insawiin MNF in cheng nuai 14.38 collect angin an insawi a, INC in inthlan senso ah cheng nuai 68.05 hmang a insawiin, MNF in cheng nuai 14.04 hmang angin an insawi a, NCP chuan sum hman an neilo bawk a ni.
    Party hrang hrangte sum hmuh leh hmanna (2012-2013) a party sum hmuh/hmanna leh an donation khawn PRISM in a puanzar a tarlan nih danin, party hrang hranga sum thawhtu  zingah Rs. 20,000 aia tam thawhtu mi 3,646 an awm a, an zinga 2331 te hi an PAN detail tarlan a ni lo a, 654 te chu an address tarlan a ni lova, 43 te phei chu an hming leh address tarlan a ni lo bawk. INC hnena sum thawh tam 3 te chu Torrent Power Ltd. (vbc 3.50), Torrent Pharmaceuticals (vbc 1.50) leh Hyde-rabad Industries Ltd. (nuai 50) an ni a, BJP hnena sum thawh tam 3 te chu General Electoral Trust (Rs. 7.50 crores), Lodha Dwellers Pvt. Ltd. (vbc 6.99) leh Torrent Power Ltd. (vbc 6.57) a ni.

Comments

Popular News (Last 30 Days)