Education Department hmachhawp sawiho

Chief Minister Pu Lal Thanhawla chuan niminpiah, Sept. 10,l 2014 tlai khan School Education Department hotute Cabinet Meeting Room ah a kawm a, Mizoram chhunga Education in chak zawka hma a sawn theih dan tura School Education Department hotute rawtna leh ruahmanna chhawpchhuah te zirchiangin an thlirho a ni.
He sawihona hunah hian Education changtu Parliamentary Secretary, Pu Joseph Lalhim-puia chuan School Education Department hmalak mek te leh an hmasawnna te leh Department anga thawm chak an ngaihna lai te tarlangin, Education Department hmalakna ti chak tura ruahmanna an siam te chu tih theihloh tur leh duhthusam nilovin SSA leh RMSA ah te pawh an kalpui theih a nih thu a sawi a. An hmachhawp pawimawh zingah School Education, SSA leh RMSA statistics inmil lo siam leh School Inspection Team zahawm tak National Accreditation Council (NAAC) duanga siam rawtna te a tel a ni.
    School Education rawtna thehluh te hi School Education Secretary Pu R. Lalvena chuan a sawizau a. Rawtna zingah ah hian Transfer & Posting of Teacher awmze nei zawka kalpui anih theih nan Sikul pakhat a zirtirna awm zat tur bituk, Post nen chawpa Transfer tihtawp dan tur ruahmanna, District leh Sub-Division pakhat atana zirtirtu lak tawh district dang emaw Sub-Division danga insawn thei lo tura ruahmanna siam te leh Education Department leh a hnuaia awm SSA leh RMSA te tana data inang hman te a tel a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai