CSS Hindi Teacher te hlawh buaipui mek

School Education changtu Parliamentary Secretary Pu Joseph Lalhimpuia chuan Mizorama CSS Hindi Teacher ten hlawh an lak theih nan hmalak mek a ni, a ti.
He thu hi nimin Sept. 10, 2014-a Kulikawn-a an Party Workers te hmaah sawiin Pu Joseph Lalhimpuia chuan Mizoram-ah CSS Hindi zirtirtu 1305 an awm thu leh heng mite kum khat hlawh atan cheng vbc 25.82 mamawh a ni tih a sawi a. Hlawh hi Sorkar laipuiin a vaiin a tum thu leh amaherawh chu kumin February thla thleng chauh hlawh hi hmuh a nih avangin Mizoram Sorkar chuan March 2014 hlawh tur chu cheng nuai 215.20 a lo sen tawh thu leh kum 2014-2015 atan an hlawh tur hi tunah Sorkar laipuiah dil mek a ni tih a sawi a. Hindi zirtirtuten hlawh an lak theih nan hian Mizoram Sorkar chuan a theih tawk a tih thu leh School Education Minister chuan Sorkar laipuia Human Resource Development Ministry dawrin hemi bawhzui tur hian Mizoram MP pahnih te pawh ngenna lehkha an thawn tawh thu a sawi a. Tunah chuan sorkar laipui nghah  mek a nih thu leh tun a\anga reilote ah hlawh an lak theih mai a beisei thu a sawi bawk. Tun dinhmunah Mizoram ah CSS hnuaiah High School-ah Hindi Teacher 389 leh Middle School Hindi Teacher 916 an awm mek a, High School a thawk ten thlakhat ah Rs. 20,000/- hlawhin Middle School-a thawk ten Rs. 15,000/- an hlawh a ni.

Popular News

Mizoram-ah Faina Hapta hman \an leh a ni

Retailer bukna diklo 3 man