AMC Licensing Regulation, 2012 duhloh vangin Nimin a\angin AMC Pisa kai tur dan an ni.

 AMC Licensing Regulations 2012 dodalin nimin khan tlawmngai pawl hrang hrang intelkhawm chuan AMC-a thawktute pisa kai tur an dang a, Vawiin ah pawh Pisa kai tur hi dan leh a ni ang.
Tarlan tawh \hin angin AMC huamchhunga sumdawngte khuahkhirhna tur dan AMC Licensing Regulation, 2012 chu tlawmngai pawl hrang hrang intelkhawm NGO Coordination Committee chuan Hnam tan a him tawklo nia hriain, tihdang lam phawt loh chuan hman loh nise tiin an rel a. Hemi chungchang hi AMC hotute leh NGO Co-ordination Committee chuan 19.8.2014 khan Central YMA Hall-ah sawihona neiin hemi tum hian inremna mumal nei lovin Meeting hi tihtawp a ni. AMC hotu lam ten NGO te duh dan ang ngeia AMC Licensing Regulation 2012 kalpui a nih theih beiseiin AMC Board of Councillor (BOC)-ah he regulation hi pharhin an sawiho a, AMC danah bill pass tur reng reng member hmunthuma \hena hmunhnih (2/3) in an pawmpui a ngai a, mahse eptu lam party ten an pass pui theih loh avangin AMC Licensing Regulation 2012 chu AMC BOC chuan a ti danglam thei ta lova. NGO Co-ordination Committee in a lo rel tawh angin nimin chawhma khan AMC Office kawt |huampui-ah AMC Office hnathawkte pisa kai tur hi an dang ta a ni. NGO Coordination Committee hotute leh MNF MPC leh ZNP aiawhte chuan inrem tumin nimin chawhnu lam khan |huampui YMA Hall-ah inbiakna an nei a, amaherawh chu inremna erawh an nei thei talo a ni.
    NGO Coordination ten AMC Licensing Regulation hnuaia sumdawngtu tur ten dilna an siama thiltel ngei tura an phut te hi Mizo Tribal Certificate, Mizoram Permanent Residential Certificate leh Mizoram Photo ID te a ni a. Hetihlai hian Dan duangtu lam leh endiktu tur Law Department lam chuan India Danpuia kalha thiltih tumna a nih thu leh NGO Coordination thu ang hian kal ta pawh nise hnamdang ten Court-ah khing thei dawn a, Court thutlukna chuan zau zawkin hnamdang kawng a hawnsak thei, an ti a. Law Department lam ngaihdanah chuan NGO te nawr ang hi chuan kalpui theih a ni lo a, kalpui dawn pawh nise Constitution article 304 (b) angin, sumdawnna inkhuah-khirhna (restriction) siamah State Legislature a kaltlang a ngai tih a nih angin State sorkar thu a ni, an ti bawk.

Popular News