Latest News

Thingtlang khua ah Solar Street Light dahna tur hawn a ni.

Thingtlang khaw hrang hranga Ni zung hmanga kawtthler tih enna tur- Solar Street Light engmawzat dahna tur bul \anna programme nimin Aug. 27, 2014 khan Aizawl a DLAO Conference Hall-ah neih a ni a, LAD Minister Pu P.C. Lalthanliana chuan Solar Light hmet eng in a hawng a ni.
He hunah hian Pu PC. Lalthanliana chuan ni zung chakna hmanga thingtlang a Street Light bunna programme LAD Department leh Zoram Energy Development Agency (ZEDA) \angkawp ten a bul an \anna hi khawvel changkang mil zela ram an kalpui tumna \ha tak a ni, a ti a. He ruahmanna pawimawh tak hian eng chhit senso leh a enkawlna lamah VC te a ti zangkhai thei dawn a nia a hriat thu a sawi bawk. Sorkar ruahmanna ang chuan Village Council ten Finance Commission 13-na a\anga an sum hmuh a\angin Street Light man hi an pe ve tur a ni a. Solar Street Light point khat atana senso tur hi Mizoram Sorkar leh Zoram Energy Development Agency (ZEDA) te ruahman na in subsidy rate in Rs. 4500/- bituk a ni a, a thawhkhat nan Light Point 960 sem phawt a ni ang a. A lo thleng hmasa set 56 chu Aizawl District chhunga VC thlanchhuah te hnenah pek a ni anga. District dang ah pawh a tahtawlin dah belh zel tura ruahman a ni. Solar Street Light bakah hian Street Light pangngai chhia siam\hatna atan kum 2014-15 chhunga 13th Finance Commission sum lo kal tur a\anga pek turin VC te hnenah sum ruahman sak mek a ni bawk.

Comments

Popular News (Last 30 Days)