Technical Course zir tur thlanna result August thla chhunga siam\ha turin sorkar phut.

 Mizo Zirlai Pawl (MZP) chuan kumina Technical Course zir tur thlanna-a dan kalha Caterory-I pek nia an sawi, ram leilung fa nilo mi 41 te August, 2014 chhunga siam\ha leh turin Sorkar an ngen nawn.
Mizo Zirlai Pawl (MZP) hian nimin Aug. 18, 2014 khan thuchhuah siamin State Technical Entrance Examination-2014 a Technical course zir tur thlan chhuah Category-I zinga ram leilung fa ni lo hnamdang seat pek tawh zawng zawngte chu a rang thei ang ber a hnukkir tura thuneitute an ngenna chu sorkar thuneitute hnenah thlen a ni tawh tih tarlangin, Higher & Technical Education Department Director leh thuneitute nen an sawiho tawh thu leh hetah hian Higher & Technical Department official lam te chuan Department anga thutlukna an siam theihloh thu leh Ministry level a sawi a ngaihthu MZP hruaitute hi an hrilh niin an tarlang a. August, 2014 ral hma ngeia hnamdang seat pek tawh hi hnuhkir a nih loh chuan hnuh kir a nih theih nan a\ul angin hma an la zel dawn tih an tarlang bawk.
    Hei bakah hian MZP thuchhuah chuan Mizoramin Technical lam zirna In sang a la neih mumal loh avangin Central sorkar enkawl zirna In leh hmarchhak a zirna In sangah te Mizoram sorkar chuan zirlaite tan seat a hauh sak \hin tih tarlangin, heng zirna In sanga seat luahtu tur thlanna ah thil fel tawklo a awm \hin tih hriaa sorkar an nawrna ah 'The Mizoram (Selection of Candidates for Higher Technical Courses) Rules, 1999' chu siam a ni tih an tarlang a. Hetah hian Mizo zirlaiten an tih\hat dan indawta an seat duh zawng an thlan fel vek hnuah chiah hnamdang zirlaiten seat an hmu ve thei tih MZP chuan sawiin, Category-I chu ram leilung fate tan chauha hauh a nih laiin, Mizoram leilung fa tia vuah la ni ngailo Chakma zirlai 38 leh Hnamdang 3 chu Category-I ah hian dahin heng mi te hi Medical Group ah 28 leh Engineering Group ah mi 13 an ni, an ti bawk.

Popular News

Retailer bukna diklo 3 man

Hmeichhia te hmasawnna tura hmalakna chungchang thlirho.

Mizoram-ah Faina Hapta hman \an leh a ni