STEE 2014 chungchang H&TE Deptt. in sawifiahna siam.

Higher & Technical Education Department chuan thuchhuah siamin STEE 2014 chungchanga Mizoram sorkar dinhmun leh hmalakna te tarlangin, Zirlai pawl in August thla chhunga heng seat te cancel tura an ngenna chu ngaihtuah nawna, fel taka chinfel tlan hun nghak turin a ngen bawk.
Hemi chungchanga H&TE Department thuchhuah chuan kum 15 kalta a\ang khan Mizoram Quota kaltlanga Higher Technical Course zir turte tan kumtin Technical Entrance Exam a buatsaih \hin a nih thu leh he Exam-a tlingte chauh chu an tih \hat dan indawtin Mizoramin quota a neihna hmuna zir tura thlan \hin an nih thu a tarlang a. Kum 1993-a Mizoram sorkar thuchhuah angin Mizoram quota diltute chuan Entrance Exam la kaltlang lo mahse Category I, II leh III-ah \hen an nih thu leh Category I-ah leilung fate (Indigenous people of the state of Mizoram) dah an nih thu a tarlang a.
    STEE 2014 Result a Category I-ah Medical group-ah Chakma zirlai 26 leh hnamdang zirlai 3, Engineering Group-ah Chakma zirlai 12 hming awm anga sawi chu ngun taka enfiah a nih thu leh hnamdang 3 hming lo langte hi chu tihsual palh liau liau nia a lan thu tarlangin, Chakma bikah chuan Result bu a hming lang zawng zawngten seat an hmu vek lovin Medical Group-ah 4, Engineering Group-ah 2 chauh in seat an hmu tih a tarlang a. Tunhma lam kum 10 chuang a\ang tawh khan Mizoram Quota a zirtur thlannaah Chakma hi Category-I ah an awm tawh thu leh kumin STEE 2014 a\ang chauha telh ni lovin MBSE-in anmahni thu a an dah pawh a nilo niin a tarlang a. STEE 2014 kaltlang a Higher Technical Education course zirtur thlan chungchangah sawisel neuh neuh lo awm ta chu pawi an tih thu pawh tarlangin, thil diklo a awm a nih chuan chhui chiang turin hma an lak thu leh Category-I ah Chakma dah an nih chungchang thu inchuh awm mek hi thui tak ngaihtuah leh chhui a ngaih dawn avangin Mizorama cheng dik tak ‘Indigenous people of the state of Mizoram’ tichiang turin tunah hian Law Department lam rawn mek an nih thu a tarlang bawk.

Popular News