Latest News

Staff Nurse lak chungchangah tih theih neilo niin sawi.

Home Minister Pu R. Lalzirliana chuan Staff Nurse 20 lak turte chu Mizoram Public Service Commission (MPSC) kut a nih avangin sorkar-in tih theih a nei lo tih a sawi a, Nurse dang lak leh tur erawh Written Test tel lova la turin sorkar-in a ngaihtuah dawn a ni, a ti.
He thu hi a Office-a Staff Nurse lak chungchanga harsatna thleng avanga Emergency Meeting neih ah sawiin Home Minister chuan post dang 50 lak leh tur chu tuna lungawilote tan Written Exam tel lova lak tur  a nih tur thu a sawi a. Kumin financial year chhungin post 25 lak phawt an ni ang a, a dang post 25 chu financial year tharah lak an nih tur thu a sawi bawk. Hetihlai hian MPSC chuan thuchhuah siamin Staff Nurse hnaruak 20 hnawhkhahna tura Written Test dodaltu Nurse pawl 3 ten Nursing ah Theory leh Practical an pass vek tawh avanga exam hranpa ngai tawh lova an sawi chu tunlai hun, hna nghet inchuhna boruak sang tak karah chhuanlam tling a ni tawh lo, an ti a. Techical Line dangah pawh zirnaah Theory leh Practical an pass vek hnuah written exam leh personal interview kaltlanga lak \hin a ni, an ti.
    Hetihlai vek hian Staff Nurse post 20 MPSC kaltlanga Written Test neih cancel lova sorkarin kaltlangpui a tum avanga lungawilohna lantir nan Nurse Pawl 3 te chuan nimin Aug. 29, 2014 a\ang khan an thawhna hmun \heuh ah Badge dum an bel a, Vawiin chawhma dar 10:00 hian Millenium Centre kawtah lungawilohna lantir an tum thu sawiin, heng pawl 3 te hian Nurse post 20 Written Test neih pawm leh pawm loh chungchangah Sorkar thuneitute leh MPSC hotute chu an inpuhtawn ve ve a, hriatthiam har an tih thu an sawi bawk.

Comments

Popular News (Last 30 Days)