Serchhip-ah Court building sak mek a ni

Serchhip-a Chief Judicial Magistrate cum Senior Civil Judge building chu ngawrh taka sak mek niin kumin October thla hian zawhfel hman tura ruahman a ni.
Chief Judicial Magistrate cum Senior Civil Judge building hi Ser-chhip IOC Veng-a Gosen Veng (Soil Department ram mawng) ah sak niin cheng nuai 164.4 hmanga sak a ni a, Jan. 2, 2013 khan Order tihchhuah niin March 2013-ah sak \an a ni a, a tirah hian thla 18 chhunga zawhfel tura rua-hman ni mah se hun pawhsei sak hretin kumin October thla hian zofel hman tura beisei a ni. He building sak mek hi niminpiah (Aug. 27, 2014) tlai khan Sr. Civil Judge, Pi Lalrochami Ralte hovin Serchhip-a tualchhung chan-chinbu mi ten an tlawh a, he hunah hian Pi Lalrochami chuan Serchhip-a Court building sak mek chu Mizoram ah a \ha ber pawl a nih thu sawiin, Aizawl leh hmundanga Court building awm tawhte ai pawha \ha zawk leh lian zawk a nih thu a sawi a. Court building hi Mizopa chhiara chhawng 5 tur niin 1263.25 Sq.m a zau a ni dawn a, Court Room 3, Lock-up 2 (mipa leh hmeichhia tan 1 ve ve), Prosecution Room 2 (Excise leh Police pakhat ve ve), Staff Room, BAR Association Room, Govt. Advocate Room, Library leh Canteen bakah Motor hunna pawh zau \ha tak awm tura ruahman a ni. Serchhip-a Court building sak mek hi IOC Petrol Pump a\anga pen tur niin a panna kawng hi siam\hat ala nih loh bakah kawng awmsa pawh a zim rih hle a, thuneitu ten a \ul angin hma la se an duh thu helai hmun tlawhtute chuan an sawi a ni.

Popular News

Mizoram-ah Faina Hapta hman \an leh a ni

Retailer bukna diklo 3 man