Ramchhung hmundangte rualin Serchhip-ah Pradhan Mantri Jan-Dhan Yojan (PMJDY) hawng.

India ram mipui, Bank hmang \angkai pha lo tena pawisa  dah kher lova Bank Account an neih theihna tur Scheme- Pradhan Mantri Jan-Dhan Yojana (PMJDY) chu Aug. 28, 2014 tlai khan Serchhip-ah pawh hawn a ni. 
Pradhan Mantri Jan-Dhan Yojana (PMJDY) hawnna inkhawm hi Serchhip-ah chuan niminpiah Aug. 28, 2014 tlai dar 4:00 khan Serchhip DC’s Meeting Room-ah neih a ni a, he hun hi District Bawrhsap, Pi Juhi Mukherjee, IAS chuan khuallian nia hmanpuiin he Scheme hi a hawng a ni. He hunah hian Bawrhsap chuan Mizoram-ah hmun kilkhawr tak tak, Internet pawh thlen mang lohna hmun tam tak a awm tih sawiin, heng mite hian kawng hrang hrangin harsatna an tawk \hin tih a sawi a, heng te hian Bank chhawr \angkaia harsatna laka an dinchhuah theih nana \an la turin kalkhawm te a chah a ni. He inkhawm PP Dhowal, Manager, SBI Serchhip Branch kaihhruai a neih ah hian khual zahawm Pu Lalhmangaiha Chawngthu, Principal Govt. Serchhip College pawhin Bank hnathawkte chu anmahni dawrtute laka hawih-hawm turin a chah a. Bank chu pawisa lakna tur chauh ni lovin a peipunna leh a dah\hatna a ni tih a sawi bawk.  He hunah hian Khuallian leh Khual zahawm te hian hemi puala Vohbik Account thar Serchhip leh Kei\um a mi te Pass book an sem nghal a ni.
    He hunah hian Rebecca Lalhlimpuii, Assistant, SBI Serchhip Branch in report-a tarlan danin he Scheme hi mirethei tena mimal sum puk avanga phurrit an neih te tihrehna tur te, pension leh insurance awlsam zawka an tih theih nan te a nih thu a sawi bawk. Pradhan Mantri Jan-Dhan Yojona Programme hi India rama In tin, chhungkaw tinin Bank Account pakhat tal an neihna turin niin kumin a Independence Day-ah khan Prime Minister chuan a lo puang tawh a. Niminpiah khan ramchhung hmun hrang hrangah he Scheme hi hawn niin he Scheme hnuaiah hian nimin tlai thleng khan bank Account nei thar mi vbc. 1.50 an awm tawh a, Account hawnna tur dilna nuai 9 vel buaipui leh mek niin hetianga hmalakna hi khawvela a hmasa ber a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.