Latest News

NIB Chairman in Serchhip-a NLUP Line Deptt. hotute a kawm.

NLUP Implementing Board Chairman, Pu JH. Ro\huama chuan nimin Aug. 28, 2014 khan Serchhip District chhunga NLUP hmalakna hrang hrangte a hmunah tlawhin, Serchhip-ah NLUP Line Department Official te a kawm nghal bawk.
NIB Chairman Pu JH. Ro\huama hian nimin chawhnu dar 1:00 khan Serchhip DC’s Meeting Room-ah NLUP Line Department hotute hi kawmin NLUP Line Department hotute chu NLUP hmalakna kawnga an hnathawh ah fakin beneficiary te hmalakna vil kawngah pawh Line Department te leh VC ten hma an la \ha hle tih a sawi a. Mizoram hmun hrang hrangah NLUP dawngtu tam tak an inthlahdah avangin he Project hlawhtlinna atan hian NLUP chu khauh zawka kalpui tum a ni tih sawiin, hemi kawngah hian Line Department te pawhin beneficiary te vil leh endik kawngah nasa zawka \an an lak a \ul dawn thu a sawi a. Ei leh bara intodelhna kawngah Serchhip tlangdungah hian hmalak theihna tur remchang tam tak a awm tih sawiin, NLUP 2nd Phase kalpui leh mekah hian he project hi mipui innghahna ani tih hre renga Mizo tlawmngaihna rilru pu chunga theihtawp chhuah turin Line Department te chu a chah bawk.
    He hunah hian Pu K. Lianzuala, MKVI Board Chairman pawhin NLUP chu Mizoram sorkar project kal lai, Sorkar Laipui inthlak danglam avang danglam tur a nilo tih a sawi a, NLUP thil tum leh a pawimawhna te beneficiary te hnenah nasa lehzuala zirtir ala pawimawh reng tih sawiin, a ti\halo deuh te pawh dawhthei taka enkawl a khaichhuah hram tum turin Line Department te chu a chah bawk. He hunah hian Line Department te chuan NLUP kalpui zelna tura hriatfiahloh an neih te leh harsatna chi hrang hrang an neih te NIB Chairman hnenah hian thlenin a sutkian dan tura ruahmanna siam dan tur te an sawiho a ni. NIB Chairman hian nimin chawhma lam khan Baktawng Tlangnuam tlawhin Aloe-Vera hmanga sahbawn siamna hmun tlawhin NLUP a\anga helai hmunhma tihchangtlun dan tur te a enpui a, hei bakah hian NLUP hnuaia Carpentry leh Bel chhunga eizawng ten hma an lak dan enfiah nghalin tlai lamah Serchhip-a NLUP hmalakna \henkhat a tlawh leh bawk.

Comments

Popular News (Last 30 Days)