Minister hovin Contract hna pek chungchang sawiho.

PWD Minister Pu Lal Thanzara; PWD hotute leh Mizoram-a Class-I & Class-II Contractors hruaitute chuan nimin Aug. 29, 2014 khan Mizoram a contract hna pek leh thawh chungchang an sawiho.
He sawihona ah hian Pu Lal Thanzara chuan ram leilungfa Contractor te chu duhsak theih turin thiamna, hmanrua, hnathawh \hat kawng ah leh sum chungchang ah pawh hnamdangte el pha tura \an la tura a duh thu a sawi a. Sum um ringawta contract beisei te, bill a tan vanga hnathawh lai chawlhsan ringawt te leh thawh zawh theih loh tur contract lian beisei ringawt te chu sim a \ul thu sawiin, heng te hian hna a tihchhiat mai bak ah ram tana rotling tur tam tak awmze neilovah a chantir \hin niin a sawi a. Tunlai khawvel ah Information Technology hman nasat a nih thu leh chumi mil chuan contract te pawh chhan a ngai vek tawh tih sawiin, Contractor te chu computer thiamna ah a bo lo tawka thiamna sual chhuak turin a chah a. Tender a thupawimawh inziakte bih uluk tur te leh Contract-a Terms & Conditions te zirchiang \hin turin a chah bawk
    He hunah hian Contractor Association lam hian an thil ngaih pawimawh deuh deuh pali-PWD Tender amount tam lutuk chungchang, E-tendering, CPWD Manual hman mek anga cheng vbc. 15 hnuailam Form-8 a tender chhuah chungchang leh Mizoram PWD Manual hman lai chungchang te sawi chhuak in hemi chungchanga an mamawh nia an hriat leh an ngaihpawimawhte an tarlang bawk. He hunah hian Mizoram a contractor-te ham\hat nana Mizoram sorkar hmalakna leh PWD hnuaia Central leh State a contract chi hrang hrangte leh an nih phung te chu PWD Secretary Pu Lal Ramthanga, PWD E-in-C Pu R. Vanlaltluanga, PWD CE(Highway) Pu John Rammawia leh PWD CE(Building) Pu C. Lalrinawma ten an sawifiah bawk a ni.

Popular News